नेवाः देय् दबूया मध्यामाञ्चल मुँज्या क्वचाल

नेवाः देय् दबूया मध्यामाञ्चल स्तरीय मुँज्या वंगु पोहेलाथ्व दुतिया आइतवाः कुन्हु नारायणगढय् क्वचाल । निगु चरणय् जुगू उगु ज्याझ्वलय् नेवाः देय् दबूया खुक्वःगु तःमुँज्या, देय् दबूया संगठनात्क संरचना, देय् दबूया विधान व थीथी विषयस कया सहलह जूगु खः ।

निगु चरणय् ब्वति कयादीपिं सकल प्रतिनिधितय्गु न्ह्यसःया लिसः मूपाहाँ कथं झयादिम्ह नेवाः देय् दबूया नायः नेरश ताम्राकारं बियादीगु खःसा प्रतिनिधितय्सं बिउगु सुझाव कयाः ज्याझ्वलय् क्वचाःगु खः ।

उगु ज्याझ्वलय् नेवाः गुथि शक्तिखोरया नायः लिला बहादुर श्रेष्ठयात धिमे बाजं प्रशिक्षण ज्याझ्वः यायेत ग्वहालि कथ‌ं देय् दबूया नायः ताम्राकारं धिमे बाजं लःल्हानादीगु खः । मध्यामाञ्चल न्वकू बिजय प्रकाश तण्डुकारया नायसुइ न्ह्यागु उगु ज्याझ्वलय् पाहाँ कथं न्वकू बिष्णु प्रसाद श्रेष्ठ, केन्द्रिय दुजः पुर्ण कृष्ण श्रेष्ठ, देय् दबू चितवन जिल्ला समितिया नायः उद्योग पियां नापं थीथी खलः पुचःया प्रतिनिधितय् ब्वति दुगू खः ।

More Stories Like this