मेसीयात प्यक्वःगु खुसी नं बेलन डे

छगू लिपा मेगू रेकर्ड दयेकाच्वम्ह अर्जेन्टिनाया स्टार फुटबल कासामि लियोनल मेसीं प्यक्वःगु खुसी नं फिफाया सर्वोकृष्ट कासामि जुयाः मेगू रेकर्ड तःगु दु । मेसीं प्यक्वःगु खुसी बेलन डे'आर आवर्ड त्याकाः थुगु रेकर्ड तःगु खः । थ्वस्वयां न्ह्यः मेसी नापं यूईएफएया अध्यक्ष मिचेल प्लाटिनीया नांमय् लागातार स्वयक्ः तक उत्कृष्ट फुटबल कासामिया रेकर्ड दुगु खः ।

ज्युरिचय् सोमवाः जूगु समारोहलय् मेसीं थःगु क्लब बार्सिलोनाया आन्द्रेस इनिस्टा व रियल म्याड्रिडया क्रिष्टियानो रोनाल्डोयात ल्यूने लाका सन् २०१२या उत्कृष्ट कासामि जुइत ताः लाःगु खः । अवार्ड मतदानय् मेसीं ४१.६ प्रतिशत, रोनाल्डों २३.६८ व इनिस्टां १०.९१ प्रतिशत मत हःगु खः ।

अथेहे थुगुसीया उत्कृष्ट प्रशिक्षकय् स्पेनया भिन्सेन्ट डेल बस्कं त्याकल । मिसा पाखे अमेरिकाया एबी वामबेच उत्कृष्त कासामि घोषित जुल ।

More Stories Like this