भाजु गणेशराम लाछि नेवाः प्याखं स्यनेत सिक्किमपाखे

सिक्किम नेवाः गुथीया ब्वना कथं भाजु गणेशराम लाछि थीथी नेवाः प्याखँ स्यनेत थिंलागाः चौथी मंगलवाः कुन्हु निम्ह स्यनामि ज्वनाः सिक्किम झायादिगु दु । सिक्किमया दक्षिण लागाः नाम्चि धाःगु थासेय् लच्छिन्यंक जुइगु नेवाः प्याखं स्यनेत मध्यपुर कला परिषदया कपिल घःजु व बुद्धलक्ष्मी महर्जन अनं झायादीगु खः ।

अथेहे सिक्किमय् छगू ज्याझ्वः यानाः "सिक्किमको यात्रा परिकारको मात्रा" सफू नं उलेज्या जुइगु खँ लाछिं नेपालमण्डलयात कनादिल । नापं विश्व नेवाः संगठनया भारत च्याप्टरया बिषयस कया अनं च्वपिं नेवाःत नाप सहलह यानाः विश्व नेवाः संगठन भारत च्याप्टर नीस्वनेगु ज्या जुइगु जानकारी वय्कलं बियादिल ।

नापं बाखं दबूया सिक्किम भ्रमणया झ्वलय् सिक्किम नेवाः गुथि पाखें बाखं दबूयात याःगु ग्वाहालि व नेपालभाषा व साहित्यया विकासया निंतिं सिक्किम नेवाः गुथिं म्हितुगु अहमं भुमिकाया कदरयासें बाखं दबू पाखें बिउगु सुभाय् पौ नं उगु ज्याझ्वया दथुइ सिक्किम नेवाः गुथिया नायः भाजु रोहित कुमार प्रधानयात लः ल्हायेगु ज्याझ्वः नं जानकारी नं भाजु लाछिं नेपालमण्डलयात कनादिल ।

More Stories Like this