ट्वान्टी राष्ट्रिय क्रिकेटया उपाधि एपीफयात

ट्वान्टी ट्वान्टी राष्ट्रिय क्रिकेटया उपाधि सशस्त्र प्रहरीया एपीफ क्लबं त्याकूगु दु ।

त्रिविविया कासाख्यः किपुलिइ जूगु शनिवाःया कासाय् एपीफ क्लबं क्षेत्र नं. ६ बैतडीयात ९५ गू रनं बुकूसें उगु उपाधि त्याकूगु खः । एपीफ क्लबं लच्छिया दुने निगू उपाधि त्याकेत ताःलाःगु दु । थ्वस्वयां न्ह्यः एकदिवसीय राष्ट्रिय क्रिकेटया उपाधि नं त्याकूगु खः । थुगु उपाधिया नापनापं एपीफ क्लबं छगू लख नीन्याद्वः तका त्याकूगु दु । तर उपविजेताय् सीमित जूगु बैतडीं ७५ द्वः तकाय् चित्त बुझेयायेमाल ।

टस त्याकाः न्हापां ब्याटिंग याःगु एपीफं क्वःछिनातःगु २० गू ओभरय् १६७ गू रन दयेकूगु खः । म्यान अफ द म्याच घोषित जूम्ह ६९ गू रन व पारस खड्कां ५३ गू रन दयेकल ।

१६८ गू रनया लक्ष ज्वनाः क्वहांवःगु बैतडी १४ गू फुति ४ गू ओभरय् ७२ गू रन जक दयेकाः फुक्क कासाख्यलं पिहांवंगु खः । वैतडीयात म्हो रनय् कयेच्यायेगु लागि संजम रेग्मीं ४ गू व शक्ति गौचनं ३ गू विकेट काःगु खः ।

थ्वहे झ्वलय् एपीफया सुवास प्लेयर अफ द टुर्नामेन्ट व बेष्ट ब्याट्सम्यान घोषित जूगु दुसा पोखराया राहुल विश्वकर्मा बेष्ट बलर जूगु दु ।

More Stories Like this