सिद्धि नेवाः परिषदया १७ क्वःगु दँमुँज्या

वंगु मंगलवाः थिंलाथ्व द्वादशी कुन्हु सिद्धि नेवाः परिषद धरानया १७ क्वःगु दँमुँज्या जुल । उगु हे ज्याझ्वया दथुइ थीथी साँस्कृतिक ज्याझ्वः यानाः जग्गादाता स्व.सिद्धिमान पलिखेया १४९ क्वःगु बुदिँ हनेगु ज्या नं क्वचागु खः ।

सिद्धि परिषदया नायः सरला कायस्थया नायसुई न्ह्यागु उगु ज्याझ्वलय् मूपाहाँ कथं धरानया शिक्षाबिद्‍/समाज सेवी मदनप्रसाद श्रेष्ठ व विशिष्ठ पाहाँ कथं नेवाः देय् दबुया नायः भाजु नरेश ताम्रकारया ब्वति दुगु खः ।

ज्याझवलय् धरान लागां एस एल सी व प्लस टुया परिक्षाय् अप्वः ल्या हया पास जुपिं छम्ह मिसा व छम्ह मिजं विद्यार्थीयात नगद पुरस्कार नापं सम्मान नं याःगु खः । अथेहे जग्गादाता स्व. सिद्धिमान पलिखेया छेँ जाहान छम्ह व मेमेगु थीथी ख्यलय् विशिष्ठ योगदान यानादिइपिं ४ म्हसित नं सम्मान याःगु खः ।

More Stories Like this