राष्ट्रपतिं हाकनं न्यान्हू ई तनाबिल
राष्ट्रपति डाक्टर रामवरण यादवं सहमतीय सरकार दयेकेगु नितिं दलयात हाकनं न्यान्हूया ई तनाब्यूगु दु । राष्ट्रपतिं स्वक्वःगु खुसिइ ब्यूगु ई दुने सहमति याये मफयेवं शीर्ष नेतातय्सं बिहीवाः सुथय् राष्ट्रपतिनाप नापलाना ई तनेत इनाप याःगु खः । इनाप कथं राष्ट्रपति यादवं न्यान्हूया ई तनाब्यूगु खः । राष्ट्रपति यादवं शीर्ष नेतातय्त थःम्हं बियागु प्यक्वःगु खुसिइया न्यान्हूया ई लिपांगु कथं यायेत इनाप तकं यानादीगु खः । म्याद तनेत इनाप यायेत विहीवाः नेकपा एमालेया नायः, नेपाली कांग्रेसया सभापति सुशील कोइराला एनेकपा माओवादीया नायः पुष्पकलम दाहाल व संयुक्त लोकतान्त्रिक मधेशी मोर्चाया कजि विजयकुमार गच्छदार राष्ट्रपति भवन शीतलनिवास थ्यंकादीगु खः ।
लुमंके बहःजू राष्ट्रपति यादवं मंसीर ८ गते दलयात न्हय्न्हूया ई ब्यूगु खः । न्हय्न्हुया दुने सहमति जुइमफयेवं न्हापांगु खुसिइ न्हय्न्हू, वयां लिपा निक्वःगु खुसिइ खुन्हू व विहीवाः हाकनं स्वक्वःगु खुसिइ न्यान्हू ई तनाब्युगु खः ।
News Location:
