शिक्षक नियुक्तिया लँपु चाल
नेपाल सरकारं १७दँ लिपाः खुल्ला प्रतिस्पर्धां स्थायी शिक्षक नियुक्ति याइगु जूगु दु । मंगलवाः च्वंगु मन्त्रिपरिषदया मुँज्यां शिक्षक सेवा नियमावलीयात संशोधन याःगु दुसा थुगु संशोधनं यानाः शिक्षक सेवा आयोतयात खुल्ला प्रतिस्पर्धां शिक्षक नियुक्तियात लँपु चाःगु खः । शिक्षक सेवा आयोगं संशोधित नियमाली राजपत्रय् पिथनेगु व विज्ञापन आह्वानया निंतिं सार्वजनिक सुचं पिथनेत तयारी यानाच्वंगु दु । शिक्षक सेवा आयोगया कथं २५ हजार ६ सय ७४ शिक्षक दरबन्दी रिक्त जुयाच्वंगु दु ।
नापं मंगलवाः च्वगु मन्त्रीपरिषदया मुँज्यां निसः व न्हय्म्ह एकीकृत (माओवादी)या नेता व कार्यकर्ता विरुद्धया मुद्दा लितकाःगु दु । सरकारं लितकाःगु २० थान मुद्दाय् द्वन्द्वया इलय् थीथी आपराधिक घटना नापं स्वापु दुगु माओवादी नेता व कार्यकर्ताया मुद्दात लितकाःगु खँ उद्योगमन्त्री अनिलकुमार झां कनादीगु दु । लितकाःगु मुद्दाय् प्रधानमन्त्री बाबुराम भट्टराईया गृह जिल्ला गोरखा पाखें दकलय् अप्वं मुद्दात लित काःगु दु ।
More Stories Like this
खुम्ह ब्वमिपिन्त छात्रवृति लःल्हात एसएलसी दसि पौ प्रमाणीकरण इन्टरनेटं लक्ष्मीनारायण-पुनमाया सिरपाः लःल्हात एसएलसीइ नेपालभाषा कयाः ब्वंपिंत हन एसएलसीइ बच्छि मल्याक फेल
