पुष्पा बस्नेत थुगु दँया सीएनएन हिरो

पुष्पा बस्नेत थुगु दँया सीएनएन हिरो २०१२ जुइत ताःलाःगु दु । अमेरिकाया लसएन्जलसय् सोमवाः सुथय् जूगु विशेष ज्याझ्वलय् सीएनएन टेलिभिजनं थुगु दँ २०१२ या हिरोया उपाधि पुष्पायात लःल्हाःगु खः । हलिंन्यंकं निला स्वयां अप्वः ई तक न्ह्याःगु सार्वजनिक भोटिङपाखें पुष्पां गुम्हेसित ल्यूने लाका हिरो जुइत ताःलाःगु खः । मस्तय्गु क्षेत्रय् योगदान याःगु वापत वय्कः थुगु दँया सीएनएन हिरोया नितिं मनोनयनय् लाःगु खः ।

सीएनएनं पुष्पाया गैरसरकारी संस्थात प्रारम्भिक बालबिकास केन्द्र व पुतली घरयात नं निगू लख न्यय्द्वःतका अमेरिकी डलर नं बिइगु जूगु दु । पुष्पां अभिभावकनाप थीथी कारागारय् च्वनाच्वंपिं मस्तयत उद्धार याना इमिगु आश्रय, शिक्षा व स्वास्थ्यया व्यवस्था याना वयाच्वंगु खः । सीएनएन हिरोया उपाधि कयादीम्ह पुष्पा निम्हम्ह नेपाली मिसा खः । थ्वसिवें न्ह्यः सन् २०१० य् माइती नेपालया संस्थापक अनुरोधा कोइराला सीएनएन हिरो जुयादीगु खः ।

News Location: