थौंनिसें न्ह्यात नांजाःगु कात्ति प्याखँ

यलय् दँय्दँसं हनाः वयाच्वंगु कात्ति प्याखँ थौंनिसें न्ह्याइगु जूगु दु । कात्ति प्याखँया धार्मिक विधि शनिबाः नासः पुजा यानाः थुकिया तयारी न्ह्याःगु खःसा थौंनिसें विधिवत् रुपं छसिकथं कात्ति प्याखँ न्ह्याइगु कात्तिक नाच प्रबन्ध समितिं जानकारी ब्यूगु खः ।

यलया मंगः बजाःसं च्वंगु लाय्कू दबुलिइ न्ह्याइगु च्यान्हुयंकया काति प्याखँ वइगु ११ गतेतक्क क्यनेगु ज्या जुइ । गुकिइ छसिकथं थौं, कन्हय् व कंस बाथः प्याखँ गुकिइ छसिकथं च्वले खुदाँ दाँ खुदाँ झिंनिदाँ पाय्छि, कौला खिचा अर्थात सिकाःभू व महामूर्ख क्यनिसा प्यन्हु खुन्हु युद्धकला गुकिइ महाद्यः व कृष्ण सित ज्वर व विष्मम ज्वर न्ह्यःब्वइगु खः । अथेहे न्यान्हु खुन्हु देवी प्याखँ गुकिइ कवं, ख्याः, भैरव, कुमारी, महालक्ष्मी आदि प्याखँ क्यनीगु खः । अथेहे खुन्हुया दिं जलशयन गुकिइ मधुकैटब बध, न्हय्न्हुया दिं बराह अवतार गुकिइ हिरणाक्ष बध व दकले लिपांगु दिं अर्थात च्यान्हुया दिं नरसिंह अवतार गुकिइ हिरण्यकश्यपु बध क्यनाः थुगु कात्ति प्याखँ क्वचायेकीगु खः ।

More Stories Like this