लक्ष्मीनारायण-पुनमाया सिरपाः लःल्हात
मास्तर जगतसुन्दर मल्लया १२९ क्वःगु बुदिंया लसताय् निक्वःगु लक्ष्मीनारायण-पुनमाया सिरपाः लःल्हायेगु ज्याझ्वः क्वचागु दु । ज्याझ्वलय् एसएलसीइ नेपालभाषाय् दकलय् अप्वं ल्याः हया पास जुयादीम्ह मय्जु अनु श्रेष्ठयात संस्कृतिविद् सत्यमोहन जोशीं उगु सिरपा लःल्हाःगु खःसा लक्ष्मीनारायण-पुनमाया सिरपाःया दाता लक्ष्मीदास मानन्धरं नीन्याद्वः तकाः लःल्हानादीगु खः ।
ज्याझ्वलय् मूपाहाँ कथं झयादीम्ह शिक्षामन्त्री दिनानाथ शर्मां भाषा धाइगु छगू संस्कार, संस्कृति, सभ्यात व पहिचान जूगु धयादिसें नेपालभाषा दुने नेवाःतय्गु संस्कार, संस्कृति, सभ्यात, इतिहास व पहिचान दु खँ धयादिल । वय्कलं थःगु पहिचानया निंतिं नेवाःतय्सं यानाच्वंगु सघर्ष ताः लयेमाः धकाः भिंतुना बियादिसें भाषाया विकासया निंतिं थम्हपाखें कुतः यायेगु खँ कनादिल ।
अथेहे वातावरण केशवमान शाक्यं आः देशं नालाच्वंगु शिक्षा निति गलत जूगु न्ह्यथनादिल । वय्कलं मातृभाषा विकास नापं समाजया नं विकास जुइगु धयादिल ।
More Stories Like this
खुम्ह ब्वमिपिन्त छात्रवृति लःल्हात एसएलसी दसि पौ प्रमाणीकरण इन्टरनेटं शिक्षक नियुक्तिया लँपु चाल एसएलसीइ नेपालभाषा कयाः ब्वंपिंत हन एसएलसीइ बच्छि मल्याक फेल
