सफल पोखरा कप फुटबलया उपाधि मनाङयात

Posted on Sat Nov 10, 2012 8:02 pm NST

स्वंगू लख न्याद्वःतका दां सिरपा दुगु सफल पोखरा कप फुटबलया उपाधि मनाङ मस्र्याङ्दी क्लवं थःगु ल्हातय् लाकूगु दु ।

सनिवाः पोखरा रंगशालाय् जूगु फाइनल कासाय् मनाङं मच्छिन्द्र क्लवयात १–० गोल अन्तरं बुकाः उपाधि थःगु याःगु खः । मनाङया नितिं निराजन मल्लं ३५ मिनेटय् कप्तान अनिल गुरुङया पासयात सदुपयोग याना गोल याःगु खः ।

ल्यू लाःगु मच्छिन्द्र क्लवं छगू लख न्यय्द्वः तका त्याकूगु दु । कासाया २७ गू मिनेटय् मच्छिन्द्र पेनाल्टी थ्वायेगु ह्वःता चूलाकूगु खःसां कप्तान दिपक राईं ह्वःतायात गोलय् हिलेमफयेवं बुइमाःगु खः ।

राष्ट्रिय टोलीया प्रशिक्षक कृष्ण श्रेष्ठं मनाङ मस्र्याङ्दी क्वल कःघासानिसें छगू हे महिनाय् थ्व निक्वःगु खुसिइ उपाधि त्याकूगु खः । थ्वसिवें न्ह्यः येँ क्वचागु एनसेल कप फुटबलया उपाधि नं मनाङं हे त्याकूगु खः ।