बाराक ओबामा निक्वःखुसी अमेरिकी राष्ट्रपतिइ त्यात

बाराक ओबामा निक्वःखुसी अमेरिकी राष्ट्रपतिइ त्याःगु दु । प्यदँय् छक जुइगु थुगु चुनावय् थ्व स्वया न्ह्यः नं बाराक ओबामा त्याःगु खःसा अमेरिकी इतिहासय् हे न्हापांखुसी काला जाति त्याःगु रेकर्ड तःगु खः । थुगु राष्ट्रपतिइ त्याकेत २७० इलेक्ट्रोल मत माःगु खःसा थुगु मत ल्याखानाच्वंबलय् हे डेमोक्रेटिक पार्टीया उम्मेदवार बाराक ओबामां ३०३ मत कायेधुंकूगु दु । ओबामाया प्रतिद्वन्द्वी रिपब्लिकन पार्टीया उम्मेदवार मिट रोम्नीं धाःसा २०३ मत जक काःगु अन्तराष्ट्रीय संचारमाध्यमतय्सं धाःगु दु ।

वंगु वालय् वःगु सुमुन्दी चलः स्याण्डी यानां चुनावी ज्याझ्वः तक छुं न्हिया लागि दिकेमाःगु खः । उगु स्याण्डीया हुनिं ओबामां त्याकेत थाकुइगु हुइनाभुइना याःगु खःसां अन्तत ओबामा हाकनं प्यदँया लागिं निक्वःखुसी त्याःगु दु । ओबामा त्यायेवं द्वलंद्वः समर्थकत लसता न्यायेकाच्वंगु दु ।

More Stories Like this