यलया न्हूदँ समारोह समितिइ सत्यमोहन जोशी नायः

नेपाल संवत् ११३३ न्हूदँ हनेत थुगुसी यलय् वरिष्ठ राष्ट्रिय व्यक्तित्व भाजु सत्यमोहन जोशीया अध्यक्षताय् न्हूदँ समारोह समिति गठन याःगु दु। नेपालभाषा मंकाः खलः यल लगायत थीथी जातीय व भाषिक खलः पुचःतय् दथुइ म्हिगः थनया ज्यापु प्रज्ञा भवनय् जूगु सहलहं भाजु जोशीया नेतृत्वय् थुगुसी बिस्कं न्हूदँ समारोह समिति गठन याःगु खः।
उकिया नापं मंकाः खलः व मेमेगु जातीय समाज व खलः पुचःया प्रतिनिधि दुथ्याःगु छगू स्थायी सचिवालय नं गठन याःगु दु। आवंलि न्हूदँ सम्बन्धी ज्याझ्वःत यायेगु ज्या थ्वहे सचिवालयं याइगु खँ धाःगु दु। न्हूगु समारोह समितिं थुगुसी यलय् तःजिक न्हूदँ हनेत थीथी ज्याझ्वः याइगु जूगु दु।