न्हूदँया निंतिं राष्ट्रिय प्रचार समिति
नेपाल संवत् न्हूदँ राष्ट्रिय समारोह समिति ११३३ पाखें प्रचार प्रचारया नितिं नेवाः पत्रकार राष्ट्रिय दबूया उदेन न्हूसाय्मियात कजि अले नृपेन्द्रलाल श्रेष्ठयात ल्यू कजि व
राजेन्द्र शाक्ययात छ्यांज्ये दयेकूगुयात विस्तार यायेगु झ्वलय् राष्ट्रिय स्तरया प्रचार समिति दयेकूगु दु।
वंगु शुक्रवाः नेपाल संवत् न्हूदँ राष्ट्रिय समारोह समिति, नेवाः पत्रकार राष्ट्रिय दबू राष्ट्रिय न्हूदँ प्रचार समिति धकाः ३३ म्हेसिया समिति दयेकूगु खः। गोरखा, कास्की, चितवन, काभ्रे, सुनसरी, इलाम, झापा, रुपन्देही, त्रिशुली, गोरखा, मकवापुर, तनहुँ, डडेलधुरा, मोरङ नापं स्वनिगःया नेवाः पत्रकारतय्त दुथ्याकाः राष्ट्रिय स्तरया प्रचार समिति नीस्वंगु खः ।
थ्व हे दथुइ नेवाः पत्रकार राष्ट्रिय दबूपाखें वइगु शनिवाः २५ गते थिमिया शंखधर पार्टी प्यालेसय् नेपाल संवत्, शंखधर साख्वाः व नेपाल संवत्यात प्रयोग बारे अनुसन्धानकर्तात व आन्दोलनकारीतय्गुपाखें बिचाः प्रस्तुत याइगु कथं छगू सहलह ब्याकेगु ज्याझ्वः यायेत्यंगु दु ।
