नेपाः खत्तम जुल
आः ला देशय् छु जुयाच्वन धकाः खँ ल्हायेगु हे बेकार जुइधुंकल थें च्वं । छाय्धाःसां देशय् सुख शान्तिया जः पिहां वइगु छुं हे आधार मदु । न्ह्याम्ह मनूयाके न्यंसां वं धाइ नेपाः ला खत्तम हे जुइधुंकल । नेतातय्गु कारणं यानाः जनतायाके थज्याःगु असन्तोष पिहां वःगु खः धाःसां छुं मपाः । थौं ला नेपाः खत्तम जुल धकाः सकलें जानाः ज्या यायेमाःगु खः । तर नेतात धाःसा अझ नं ज्या फुक्क ध्वाक्वय् वांछ्वयाः सु सु मन्त्री जुइगु धकाः निं ब्वाँय् जुयाच्वंगु दु । थ्व नेतात ला न्ह्याम्ह हे मन्त्री जूसां देशयात गतिलाकेगु ज्या याईपं ला ख हे मखु । नेपाली जनतायात ला न्ह्याम्ह मन्त्री जूसां कागलाई बेल पाकेर हर्ष नि विस्मात धाः थें जक खः । नेतात सुं नं मन्त्री जुल धकाः आः नेपाली जनतां वास्ता यायेगु हे बन्द याना बीधुंकल । तर नं नेतात धाःसा उकी हे रमाइलो यानाच्वंगु दु । नेतातय्गु हे पह खनाः नेपाःमित धमाधम देश त्वःताः पिहां वनाच्वंगु दु । मेपिनिगु ला छु खँ वहे नेतातय् काय् म्ह्यायपिं तकं आः नेपाःया भविष्य मदु धाधां नेपाः त्वःताः विदेश वनाच्वंगु दु ।
विश्वभू शाक्य
ओमबाहाः येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
