सिक्किमय् तःजिक इन्द्रजात्रा हन
सिक्किमपाखें नेपालमण्डल डट कमया विशेष स्थलगत रिपोर्टिङ्ग
सिक्किम नेवाः गुथिया ग्वसालय् न्यायेका वयाच्वंगु इन्द्रजात्रा (कुमारीजात्रा) थुगुसिइ नं तःजिक न्यायेकल । येँ देशय् क्वःने याःया लसताय् कुमारी माजु नापं भैरव व गणेशया रथजात्रा जुइगु दिं सुथय् सिक्किमय् कुमारीमाजुया रथयात्रा याना इन्द्रजात्रा न्यायेकूगु खः । सिक्किमया गान्टोक भानुभक्तपार्कं कुमारीया रथजात्रा सुरु याना नगरया थीथी थाय् चाःहिकूगु खः । रथजात्राय् सिक्किमया मल्लीपाखें लाखे प्याखं हुइकूगु खःसा कथिप्याखं अथेहे अष्टमात्रिका गण नं नगर परिक्रया याकूगु खः । गान्टोकय् जूगु इन्द्रजात्राय् दक्षिण सिक्किमया नामथा¨ पाखें पुलुंकिसि व धुन्याधिमे बाजं नगर परिक्रमा याकूगु खः ।
सिक्किमया नेवाःतय्गु पहलय् न्यायेका वयाच्वंगु इन्द्रजात्रायात थुगु दँ निसें सिक्किम सरकारं सरकारी मान्यता बिया सिक्किमय् बिदा तकं ब्यूगु दु ।
सिक्किम सरकारं सरकारी मान्यता ब्युगु थुगु दँय् इन्द्रजात्रा (कुमारीजात्रा) तःजिक हनेमाः धकाः दक्षिण सिक्किमया ब्वनाय् नेपालं मध्यपुर कला परिषद् पाखें धुन्या हीका पुलुंकिसि प्याखं न्ह्यब्वःगु खः । पुलुंकिसि प्याखनं थुगु दँया कुमारी रथजात्रा तसकं झःझः धाःगु खः ।
कुमारी रथजात्रा यायेन्हयः विधिकथं कुमारीमाजूया किपा तया पूजा याःगु खः । पूजा क्वचायेका सकलसित प्रसाद कथं समय्बजि नकूगु खः । समय्बजि नकेधुंकाः रथयात्रा न्ह्याकूगु खः ।
रथजात्रा क्वचायेका भ्वय् नकूगु खः । भ्वय् क्वचायेका सांस्कृतिक ज्याझ्वः न्हेयवःगुख खः । सांस्कृतिक ज्याझ्वलय् थीथी चर्या प्याखं, हुलाप्याखं, म्ये न्ह्यब्वःगु खःसा नेपालपाखें अमिना प्रजापति पाखें खुगः बाजं छथाय् थाना क्यंगु खः । प्यंगः मादल, खिं व धिमे बाजं याना खुगः बाजं थाःम्ह अमिनायात अमिन प्रजापतिं बासुरी पुया अले राजु नापितं भुस्या व झ्याली थाना ग्वाहालि याःगु खः ।
उगु ज्याझ्वलय् स्मारिका नं पितब्वज्या मूपाहाँ पि के प्रधानपाखें जूगु खः ।
News Location:
Related Stories
सिक्किमय् येँयाःयात सरकारी मान्यता सिक्किमय् न्यायेकल येँयाः सिक्किमया इन्द्रजात्राय् येँपाखें नं ब्वति सिक्किमय् मिनी काठमाडौं सिक्किमय् बाखं दबूया गोष्ठी (लाइभ अपडेट)More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
