मीनबहादुर शाक्य मन्त

नांजाःम्ह बौद्ध विद्वान मीनबहादुर शाक्य मन्त । दच्छि न्ह्यःनिसें क्यान्सर ल्वचं कयाच्वंम्ह शाक्य मंगलवाः सुथय् स्वताः इलय् मदुगु खः ।

ताः ई न्ह्यवनिसें बौद्ध अध्ययनय् थःत पानादीम्ह वय्‌कःया 'अ सर्ट हिस्ट्री अफ बुदिजम् इन नेपाल', 'इन्ट्रडक्सन टु बुद्धिस्ट मोनास्ट्रिज अफ काठमाण्डु भ्याली', 'दि आइकनोग्रफि अफ नेप्लिज बुद्धिजम्' आदि तःगू मौलिक व अनुवाद कृति पिदंगु दु । वय्‌कलं भृकुटी सम्वन्धी नं विशेष अनुसन्धान यानादीगु दुसा वय्‌कः 'बुद्धिस्ट हिमालय' जर्नलया प्रमुख सम्पादक नं खः ।

वय्‌कः नार्गाजुन इन्स्टिच्यूट अफ एक्ज्याक्ट मेथड, त्रिविवि बौद्ध अध्ययन विभाग व ईञ्जिनियरिङ अध्ययन संस्थानलिसे आवद्ध जुया च्वनादीम्ह खः ।