नेवाः देय् दबू आलपोत कचा नीस्वन

येँया आलपोत गाविसया नाथेश्वरी भवनलय् जूगु छगू ज्याझ्वःया दथुइ नेवाः देय् दबू आलपोत कचा नीस्वनेगु ज्या जूगु दु । जितेन्द्र राज नगरकोटीया नायःसुइ जूगु उगु ज्याझ्वलय् ११म्हसिया कार्य समिति नीस्वंगु खः । मुँज्यां भक्तलाल नगरकोटीयात नायः कथं ल्यःगु दुसा छ्याञ्जेय् राजकुमार नगरकोटी, दांभरीइ जितेन्द्र राज नगरकोटी ल्यःगु दु । नापं दुजलय् रामकुमार नगरकोटी, दिपेन्द्र नगरकोटी, रामलाल नगरकोटी, बिन्दु नगरकोटी, शान्ति नगरकोटी, सोनी नगरकोटी, सत्यनारायण नगरकोटी व राजकुमार नगरकोटीयात ल्ययेगु ज्या जूगु खः ।

ज्याझ्वलय् मूपाहाँ कथं नेवाः देय् दबूया नायः नरेश ताम्राकार झायादिगु खःसा पाहाँ देय् दबूया मू दुजः जितेन्द्र विलास बज्राचार्यं ब्वति कयादीगु खः ।

More Stories Like this