आस्था श्रेष्ठ मिस नेपाल युएस (ए) २०१२
थुगु दँया मिस नेपाल युएस (ए) २०१२ या उपाधि मेरिल्याण्डया १८ दँया आस्था श्रेष्ठं त्याकूगु दु । भर्जिनियाय् थ्व शनिवाः जूगु ब्यूटि प्याजेन्टय् मुकक २७ मिसातय्त लिफ्यानां आस्थां उगु ताज काःगु खः । उगु कासाय् फर्स्ट रनर अपया उपाधि टेक्ससया २३ दँया नुर्जा श्रेष्ठ व सेकेन्ड रनर अप न्यूयोर्कया १८ दँया आश्मा ढकालं त्याकल । अमेरिकाया थीथी राज्य व शहरं ल्यःपिं २८ प्रतिष्पर्धी मध्ये उत्कृष्ट १० पाखें थुगु ल्यज्या जूगु खः ।
मिस नेपाल यूएस (ए) आस्थां मोस्ट डिसिप्लिन अवार्ड नं त्याकूगु दु । | अथे हे बेष्ट स्माइलया उपाधि नर्थ क्यारोलाइनाया २३ दँया सुजना राजकर्णिकारं त्याकूगु दुसा बेष्ट क्याटवाकया उपाधि टेक्ससया २१ दँया किन्जल्क द्वालं त्याकल । कासाय् मोस्ट पपुलर टाइटल अवार्ड क्यालिफोर्नियाया २१ दँया संगीता ढकाल, मोस्ट फ्रेन्डली अवार्ड कोलोराडोया हे २१ दँया कान्दु शेर्पा, बेष्ट पर्सनालिटी टाइटल जर्जिया एटलाण्टाया २२ दँया रक्षा खत्री, बेष्ट ड्रेस न्यूयोर्कया २१ दँया रोशनी गुरुङ व बेष्ट फोटोजेनिक टाइटल उपाधि न्यूयोर्कया हे २० दँया मिसेल, मोष्ट ट्यालेन्ट टाइटल पेन्सिलभेनियाया २१ दँया स्वेच्छा बराल व बेष्ट हेयरको उपाधि केन्टकीया १८ दँया प्रबिना भट्टराईपिन्सं त्याकल ।
थगुनेनिसें याःगु थुगु ज्याझ्वः इभेन्ट प्लानेट इन्कं ग्वसाः ग्वया वयाच्वंगु खः।
