बेपत्ता छोरीमैयाँयात सार्वजनिक यायेत रिले अनसन
वंगु फागुण १६ गते निसें वेपत्ता जुयाच्वम्ह छोरीमैयाँ महर्जनयात मालाः सार्वजनिक यायेत दवाब कथं छोरीमैयाँ महर्जन दवाब पुचया ग्वसालय् शुक्रवाः निसें बसन्तपुरया महादेव पार्वती दबूलिइ छवाःतकया निंतिं न्हि १२ घण्टाया ल्याखं रिले अनसन सुरू याःगु दु ।
रिले अनसन श्रावण २६ गते निसें ३२ गते तक न्ह्याइगु ज्याझ्वः दु । न्हापांगु दिं अनसनय् पुलाम्ह सभासद् तीर्थराम डंगोल, उर्मिला डंगोल, विद्या सुन्दर शाक्य, विनोद खड्गी, सुधा मर्हजन (छोरीमैयाँया म्ह्याय्) च्वनादीगु दु । 'छोरीमैयाँया मालेगु ज्या या, राज्यया दायित्व पूवंकी' धइगु नारा बियाः दवाब पुचलं रिले अनसन न्ह्याकूगु दु । नापं दवाब पुचलं छोरीमैयाँयात मालेत विशेष पुचः नीस्वनेत तं माग याःगु दु ।
वंगु श्रावणया २२ गते छोरीमैयाँ दवाब पुचलं छोरीमैयाँ महर्जनयात मालाः सार्वजनिक यायेत प्रधानमन्त्रीयात ज्ञापन पत्र लः ल्हाःगु ज्या जूगु खः । ज्ञापन पत्रया माग कथं ७२ घण्टा दुने छोरीमैयाँयात सार्वजनिक यायेगु ज्या मजूगुलिं व मालेत उच्चस्तरया विशेष समिति नीस्वनेगु ज्या नं मजूगुलिं दवाब बिइगु निंतिं रिले अनसन न्ह्याकेमाःगु खँ दवाब पुचलं धाःगु दु ।
तीर्थराम डंगोल (पुलाम्ह सभासद), उर्मिला डंगोल (नेपाल भासा मिसा खःल), बिद्या सुन्दर शाक्य (पुलाम्ह वडा अध्यक्षय), बिनोद खड्गी (ने.क.पा माओवादी), सुधा महर्जन
प्रकाश श्रेष्ठ, रामेश्वर महर्जन, सानुकाजी महर्जन
निर्जला महर्जन, सानु मैयाँ श्रेष्ठ, मंगला कारंजित (नायः नेपाल भासा मिसा खःल) , प्रमोद नेवाः( ने.क.पा माओवादी)
सानुकाजी महर्जन, कृष्ण शाही,अजु शाही
Related Stories
छोरीमैयाँ दवाब पुचलं प्रधानमन्त्रीयात ज्ञापन पत्र लःल्हात बेपत्ता महर्जनयात सार्वजनिक यायेत दबाब र्याली पिथन
