छोरीमैयाँ दवाब पुचलं प्रधानमन्त्रीयात ज्ञापन पत्र लःल्हात
वंगु फागुण १६ गते निसें वेपत्ता जुयाच्वम्ह छोरीमैयाँ महर्जनयात मालाः सार्वजनिक यायेत दवाब कथं छोरीमैयाँ महर्जन दवाब समुहं सोमवाः प्रधानमन्त्रीयात ज्ञापन पत्र लः ल्हाःगु दु ।
उगु पुचलं छोरीमैयाँया अवस्था ७२ घण्टा दुने सार्वजनिक यायेत माग याःगु दु । यदि ७२ घण्टा दुने नं सरकारं छोरीमैयाँया अवस्था सार्वजनिक यायेमफुसाः थीथी कथंया दवाब मुलक ज्याझ्वःत न्ह्याकेत बाध्य जुइगु खँ छोरीमैयाँ खोजी दवाब पुचःया संयोजक भाजु राम बहादुर डंगोल धयादीगु दु । नापं छोरीमैयाँ मालेत उच्चस्तरया विशेष समिति नीस्वनेमाःगु माग नं तयागु खँ धयादिल ।
ज्ञपान पत्र प्रधानमन्त्री डा. बाबुराम भट्टराईया अनुपस्थितिइ वयेकया सचिव गंगा नारायण श्रेष्ठं लः ल्हाःना कयादीगु खः । ज्ञापन पत्र लः ल्हाःना कायेधुंकाः श्रेष्ठं आश्वासन कथं कन्हय् च्वनेगु क्याविनेटया मुँज्याय् छोरीमैयाँ महर्जनया विषय दुथ्याकेगु खँ धयादिल ।
ज्ञापन पत्र लः ल्हाःत पुलांपिं सभासद् तीर्थराम डंगोल व बुद्ध सायमी नापं राम बहादुर डंगोल, विद्या सुन्दर शाक्य, मोहन कृष्ण डंगोल, सुजिव बज्राचार्य,नरेश बीर शाक्य, सुधा मर्हजन (छोरीमैयाँया म्ह्याय्), उर्मिला डंगोल व पंच महर्जन झायादिगु खः ।
ज्ञापन पत्र ल्ह ल्हाःना वयेधुंकाः छोरीमैयाँ महर्जनया म्ह्याय् मय्जु शुधा महर्जनं वंगु न्याला न्ह्यनिसें वेपत्ता जुयाच्वंम्ह थः मा छोरीमैयाँ सार्वजनिक यायेगु खँ प्रहरी प्रशासनं गम्भीरता मक्यगु द्वपं बियादिल ।
Related Stories
बेपत्ता महर्जनयात सार्वजनिक यायेत दबाब र्याली पिथनMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
