गुन्हुपुन्हि हनाच्वन
थौं नेवाःतय गुन्हुपुन्हि नखः तःजिक हनाच्वंगु दु । गुन्हु पुन्हि कुन्हु नेवाःतय् गुता बीबः ल्वाकछ्यानाः दायेकातःगु क्वाति त्वनेगु चलन दु।
थौं खास यानाः हिन्दू धर्मावलम्बीतय् ल्हाती जनै चीगु व जनै चीमाःपिं ब्रम्हू क्षेत्रीतय् पुलांगु जनै वांछ्वयाः न्हूगु चीगु ज्या याइ। रक्षाबन्धन कथं ब्राम्हण पुरोहिततपाखें मन्त्रोच्चारण याना नाडीइ चिनातगु कायात स्वन्तिया सा पुजाया दिं साया न्ह्यपनय् चिना बिलकि बैतरणी थ्यंकेत अपुइगु धार्मिक विश्वास दुगु ख ।
थौं स्वनिगः दुनेया थीथी धार्मिकस्थलय् मेला नं जुयाच्वंगु दु। थौं कोन्ति महाद्यः, खोना आदि थासय् विशेष मेला जुइ। सिल तीर्थय् नं थौं हे मेला लगे जुइ ।
नेवाः समुदायं थौंया दिं थथगु बुँइ वना ब्यांचातय्त पूजा याना जा नकेगु नं चलन दु ।
