‌ओलम्पिकय् नेपालं रजत पदक त्याकूगु भ्रामक हल्ला

लण्डनय् जुयाच्वंगु ओलम्पिकय् नेपाःया श्रेया धितालं रजत पदक त्याकूगु धकाः भ्रामक हल्ला फेसबुक लगयातया सोसल मेडियाय् न्यनाच्वंगु दु । वास्तवय् श्रेयां १०० मिटरया फ्रिस्टाइल स्वीमिङय् न्हापांगु हिटय् जक निगूगु थासय् लाःगु खःसा उगु कासाय् मुक्कं ५० म्ह प्रतिष्पर्धीया दथुइ ४७ औं स्थानय् लाःगु खः ।

न्हापांगु चरणं हे आउट जूसां श्रेयां थःगु हे रेकर्ड धाःसा तोडे याःगु दु । श्रेयां थुगु कासाय् १ मिनेट १०.८० सेकेण्डय् कासा पूवंकूगु दु । थ्व स्वयां न्ह्यः वंगु दँय् चीनय् जूगु FINA वर्ल्ड स्वीमिङ च्याम्पियनशीपय् १ मिनेट १०.८२ सेकेण्डया रेकर्ड तयातःगु खः ।