युनिकोडया दबुलिइ नेपाललिपि (ज्यापौ डाउनलोड सहित)

तःदँ न्ह्यःनिसें नेपाललिपियात युनिकोडय् दुथ्याकेत भाजु देवदास मानन्धर, समिर कर्माचार्य व बिष्णु चित्रकार लगेजुयाच्वंगु खः । वय्कःपिनिगु हे कुतलं नेपाललिपि नामं युनोकोडया आखःधलःखय् दुथ्याकेत व युनिकोडया आखःल्याचिं (सिम्बोल नम्बर) कायेत ज्यापौ न्ह्यब्वयेगु ज्या जूगु दु ।

थुगु ज्यापौ पूवंकेत त्रिभुवन विश्वविद्यालय नेपालभाषा विभागया ग्वसालय् निक्वः व नेपालभाषा आकादेमिया ग्वसालय् छक्वः भाषाथूमिपिनिलिसे सहलह ब्याकेगु ज्या नं जुइधुंकूगु दु । सहलह कथं नेवाः पहलय् नेपाललिपिया आखःधलः क्वःछिनाः ज्यापतिइ दुथ्याकातःगु ।

स्वम्ह भाजुपिनि यक्व मेहेनत लिपा पूवंगु उगु ज्यापौ वंगु फेब्रुवरी ५ तरिख कुन्हु युनिकोदया ज्याकूथिइ लःल्हाःगु खः । उगु ज्यापौयात L2/12-120 ल्याःचिं बिउगु दु । युनिकोदय् दुथ्यायेधुंकूगु देवनागरि आखःलय् ज्वःमलाःगु आखःयात लिकायेगु, मगाःगु आखःयात तनेगु व आखःधलःयात नेवाः पहलं न्ह्यब्वयेगु ज्या थुगु ज्यापौस जूगु दु ।

नेपाललिपियात नेवारी स्क्रिप्त (L2/12-003) नामं भारतियमूलयाम्ह अमेरिकाया नागरिक भाजु अञ्जुमन पाण्डें नं छगू ज्यापौ न्ह्यब्वःयादीगु दु । उगु ज्यापौ मुकं युनिकोडय् दयेधुंकूगु इन्दिक स्क्रिप्त देबनागरिया लिधंसाय् न्ह्यब्वःगु खः । इन्दिक स्क्रिप्तया यक्व खँ नेवाः भायलिसे ज्वःमला ।

अप्रिलया अन्तय् निगूलिं ज्यापौ L2/12-120 व L2/12-003 यात कयाः युनिकोडया टेक्निकल कमितिइ सहलह ब्याके धुंकूगु दुसाः थ्वहे जुलाइया ३० तारिख निसें हाकनं निक्वःगु सहलह न्ह्याःगु दु । थुगु ज्यापौ छिकपिनित ब्वनेत व थःगु बिचाः प्वंकेत थन न्ह्यब्वयागु दु ।

ज्यापौ डाउनलोड यायेत थन क्लिक यानादिसँ

Related Stories

प्रचलित नेपाललिपिया युनिकोड दयेकीगु

More Stories Like this

काेरियाय् नेवाः भ्वय्, नम्रता श्रेष्ठयात हन
न्यूयाेर्कय् इहि
राजनीतिक दलतय् घोषणापत्र व नेवाः दृष्टिकोण
किपुली मंकाः बाखं गोष्ठि
"वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी