मंसिरं चुनाव जुइमखु – आयोग

सहमतिया नितिं गोलमेच सभा

येँ (झीगु स्वनिगः)

प्रधानमन्त्री बाबुराम भट्टराईया कामचलाउ सरकारं वइगु मंसिर ७ गते संविधानसभाया चुनाव याकेगु धाःसां प्रतिपक्ष दलतय्सं विरोध यायेवं चुनाव अनिश्चित वातावरणय् लाःगु ख्ः । आः वयाः निर्वाचन आयोगं नापं वइगु मंसिर महिनां चुनाव जुइमपैmगु धया ब्यूगु दु । संवैधानिक, कानुनी जटिलता व राजनीतिक दलतय्गु दथुइ सहमति मजुइवं निर्वाचन आयोगं अथे चुनाव मजुइगु घोषणा याःगु खः । उगु खँ म्हिगः सोमवाः थःगु हे कान्तिपथस्थित निर्वाचन आयोगया ज्याकुथिइ छगू पत्रकार सम्मेलन यानाः उगु खँया जानकारी ब्यूगु खः ।

संवैधानिक व कानुनी व्यवस्था जुइ मपूmगु व दलतय्गु दथुइ सहमति नं जुइमपूmगु अवस्थाय् वइगु मंसिर ७ गते चुनाव यायेगु धकाः सरकारं घोषणा याःसां व खँ आः व चुनाव सम्भव मदुगु जूगु दु धकाः आयोगं पितब्यूगु प्रेस विज्ञप्तिइ न्ह्यःथनातःगु खः । उगु प्रेस सम्मेलनय् लोकतान्त्रिक पद्धतिया आधार धयागु हे निर्वाचन खः धयादिसें प्रमुख निर्वाचन आयुक्त नीलकण्ठ उपे्रतीं धयादिसे इतिहासय् निक्वःगु खुसिइ क्वछिनातःगु इलय् चुनाव याकेमपूmगु व न्हि लिछ्यायेमाःगु खः ।

निर्वाचन आयोग निर्वाचन याकेत सक्षम, सजग व तत्पर दु तर सरकारं इलय् हे संविधान, कानुनी व्यवस्था यायेमफुगुलिं चुनाव जुइमपैmगु खँ आयुक्त उप्रेतीं स्पष्ट यानादीगु खः । निर्वाचनया खँ त्वफीगु अवस्था वयेवं बाबुराम भट्टराईया सरकार थःहे अलपत्रय् लाःगु दु । निर्वाचनया न्हि क्वछिनाः निर्वाचित सरकारयात सत्ता लःल्हायेगु म्हगस स्वयाच्वंम्ह कामचलाउ सरकारं आः छु त्वह तयाः सत्ताय् च्वनाच्वनेगु खः धाये थाकु । तर सरकारं धाःसा त्वह मालाच्वंगु दु । प्रतिपक्षतय्सं बहिष्कार याःसां म्होनिं चुनावया खँ न्ह्यःने तयाः सत्ताय् प्याः प्यपुने थें प्यपुनाच्वनेत स्वःगु खः । आः व खँ प्राय सम्भव मन्त ।

चुनावया खँय् सरकार असफल जुइवं आः सहमतिया सरकार दयेकेत प्रतिपक्षत छथाय् च्वनेमाः सहमतिया सरकारया नितिं प्रधानमन्त्री बाबुरामं राजीनामा बीमाः धयाच्वंपिं प्रतिपक्षयात सत्ता याउँक त्वःताःबीगु अवस्था मदु । छख्य राजीनामा मबीम्ह सरकार व मेख्य सहमति मजुयाच्वंगु राजनीतिक अवस्थाय् गोलमेच सभाया नितिं पहल यायेगु बुद्धिमानी जुइ ।

सकलें दुथ्याइगु, सकस्यां थः थःगु खँ तयेदैगु गोलमेच सभा हे थौंया उत्तम राजनीतिक निकासया नितिं छगू अचुक लँपु खः । नेकपा–माओवादीं न्ह्यब्वःगु थुगु लँपुइ फुक्क राजनीतिक दलत वयेहे माः । दिशाहीन व एजेण्डा विहीन राजनीतिक दलतय्सं थुगु लँपु मज्वंतले देशयात थप अलमलय् यायेगु जक जुइ, राजनीतिक विश्लेषकतय्गु तर्क दु ।