स्वनिगः व नेपाल बन्दया घोषणा

पत्रकार आक्रमणया आरोपित बस्नेत बढुवा

येँ (झीगु स्वनिगः)

एमालेया भातृ संगठन युवा संघं पत्रकार खिमलाल ढकालयात आक्रमणया मू योजनाकार पर्शुराम बस्नेतयात बढुवा याःगु दु । मोरङ युवा संघया न्वकु बस्नेतयात संघया केन्द्रीय दुजः याःगु खः । २०६८ जेठ २२ गते बस्नेतया हे योजनाय् पत्रकार ढकालयात आक्रमण याःगु खः ।

येँय् क्वचाःगु राष्ट्रिय भेलां ढकाल नापं १९ म्हेसित बढुवा यानाः केन्द्रीय समितिइ मनोनयन याःगु दु । केन्द्रीय दुजलय् ढकाल नापं दुर्गा गौतम, हिमाल लिम्बु, निरन्जन झा, प्रभावत कटुवाल, हर्क राइ, तेम्पा सिङघी लामा, निरेशलाल सिंह, धु्रव यादव, रेवत राना, देवराज पोखरेल लगायत खः । थ्व हे दथुइ युवा संघं सरकारपाखें पुलांपिं पदाधिकरीतय्त ब्यूगु सुविधाया गाडी कब्जा यायेगु घोषणा याःगु दु ।

म्हिगः पत्रकार सम्मेलन यानाः सुविधाया गाडी कब्जा नापं सरकार विरुद्धया १० न्हुया आन्दोलन तकं घोषणा याःगु दु । साउन १४ गते थौं स्वनिगः भेला, १६ गते व १७ गते बानेश्वरय् ४ बजेनिसें बाघौ तक चक्का जाम, १८ गनेनिसें २० गते तक ७५ जिल्लाय् हे ४ बजेनिसें बाघौ तक चक्का जाम यायेगु, २० गते बहनी मसाल जुलुस अले साउन २१ व २२ गते सुथय् ६ बजेनिसें १० बजे तक स्वनिगः बन्द यायेगु अथे हे साउन २३ व २४ गते सुथय् ६ बजेनिसें १० बजे तक नेपाल बन्द यायेगु घोषणा याःगु दु ।

अथे हे वर्तमान प्रधानमन्त्री व मन्त्रीतय्गु ज्याझ्वलय् पंगः थनेगु नापं हाकूगु ध्वाँय् क्यनाः बहिस्कार यायेगु नं घोषणा याःगु दु ।
वर्तमान सरकारयात क्वःथलेगु नितिं धकाः अथे एमालेया युवासंघं आन्दोलनया ज्याझ्वः घोषणा याःगु खः ।
युवा संघं थुगुसीया आन्दोलन तराई केन्द्रीत आन्दोलन जुइ धकाः जानकारी नं बियादिल ।
आःया अवस्थाय् नेपाःया तराई मधेस जागरण अभियान संचालन यानाः मधेसी जनताया भावनाया अःखः भ्रष्टाचार, डकैटी, कुटनीतिक पासपोर्ट दुरुपयोग नापंया घटना संस्थागत रुपं अप्वयाःवःगुलिं उकियात पराष्ट यायेत मधेस केन्द्रीत आन्दोलन यायेगु जुइ धकाः नं ाजनकारी ब्यूगु दु ।