भारतया असामय् साम्प्रदायिक हिंसा तच्वयावन

भारतया असाम राज्यय् शुरु जूगु साम्प्रदायिक हिंसा झन् झन् तच्वयावंगु दु । असामया बोडाल्याण्डया कोकराझार व चिरंग जिल्लापाखें न्ह्याःगु उगु हिंसा आः जःखः न्यासःगू गामय् न्यनावंगु दु । हिंसा अप्वया वनेवं सीपिनिगु ल्याः २५ म्ह थ्यंगु भारतीय संचार माध्यमं न्ह्यथंगु दु । हिंसाया झ्वलय् न्यासःम्ह स्वयां अप्वः मनूत घाःपाः जूगु नं धाःगु दु ।

हिंसा नियन्त्रण यायेत ताःमलायेवं स्थानीय प्रशासनं हिंसाय् दुथ्याःगु पुचः खनेवं गोलिं कयेकेत प्रहरीतय्त उजं बिउगु दु । थ्वहे झ्वलय् कोकराझार जिल्लाय् अनिश्चितकालीन कर्फ्यू तःगु दुसा मेमेगु जिल्लाय् सनिलंनिसें कन्हय् सुथय् तक कर्फ्यूया आदेश जारी याःगु दु ।

िहंसा अप्वःया वनेवं ५० द्वःम्ह स्वयां अप्वः मनूत विस्थापित जूगु दु । कोकराझारय् छुं िदं न्ह्यः जक अल्पसंख्यक मुस्लिम समुदायया विद्यार्थी नेतायात अज्ञात पुचलं गोलि कयेकूगु खःसा उकिया प्रतिकारय् अनया बोडो लिबरेशन टाइगस्र नांया संगठनया प्यम्ह मनूत सीवं साम्प्रदायिक िहंसा न्यनावंगु खः ।

More Stories Like this