‘नेवाः राज्यया नितिं संघर्ष’

आः नां ‘नेवाः राष्ट्रिय मुक्ति मोर्चा, नेपाः’

येँ (झीगु स्वनिगः)

वंगु श्रावन ६ गते जूगु एकीकृत नेवाः राष्ट्रिय मुक्ति मोर्चा, नेपालया न्हापांगु विस्तारित मुँज्याय् मोर्चाया नायः पवनमान श्रेष्ठं ह्यब्वयादीगु तत्कालिन राजनीतिक प्रस्तावय् उगु कथं न्ह्यथनातःगु खः । ‘राष्ट्रिय तथा वर्गीय आत्मसम्र्पणवादी नव संशाोधनवादया भण्डाफोर यायेनुं ! एकल जातीय पहिचानका आधारय् संघीयता व अग्राधिकार सहितया नेवाः राज्ययानितिं संघर्ष यायेनुं !!’ धैगु मू नारा बियाः न्ह्यब्वःगु उगु राजनीतिक प्रतिवेदनय् मोर्चाया नायः श्रेष्ठया सभापतित्वय् मूछ्याञ्जे देवेन्द्र श्रेष्ठं न्ह्याकादीगु उगु ज्याझ्वलय् मूपाहां नेकपा—माओवादीका छ्याञ्जे देव गुरुङ व पाहां नेकपा—माओवादीया केन्द्रीय दुज नापं जातीय क्षेत्रीय विभागया इन्चार्ज सुरेश आलेमगरया उपस्थितिइ जूगु खः ।

संविधानसभाया वेवारिसे अन्त्य जूगुलिइ बाबुराम प्रचण्ड मुख्य दोषी जूगु, भारतीय विस्तारवादया दलाली यानाः नेपालया हे इतिहासय् बाबुराम प्रचण्डं फुक्क प्रतिक्रियावादीतय्त माथ याना राष्ट्रघाती ज्या यानाः राष्ट्रिय आत्मसमर्पणवादय् पतन जूगु, युद्धकालय् कब्जा यानातःगु जमीन जमीन्दारतय्त प्रशासन लगेयानाः लितबिइगु निर्णय, सुकुम्वासी वस्तीइ विना विकल्प दोजर लगेयाःगु, जनमुक्ति सेनाया विघटन व आत्मसमर्पण याकेगु ज्या बाबुराम प्रचण्डपिं वर्गीय आत्मसमर्पणवादय् पतन जूगु, एकल पहिचान, संघीयता, अगांधिकार, आत्मनिर्णयया अधिकािरया स्वीकृति, नेवाः राज्य मोचाया आधारभूत नीति दुगु, नेपाली जनवादी क्रान्तियात समर्थन व सहयोग यायेगु, वंगु बैशाख २० गते जूगु मोर्चाया राष्ट्रिय भेलालिपा महत्वपूर्ण राजनैतिक हस्तक्षेप यायेत मोर्चा सफल जूगु, जातीय पार्टीया औचित्यता मदुगु, सर्वपक्षीय गोलमेच सभा, अन्तरिम सरकार र अग्रागामी राजनैतिक निकासया नितिं वातावरण दयेकेत मोर्चां पहल यायेगु, जनताया जनजीविकाया सवालय् मंहगी, भ्रष्टाचार, तस्करी व अभावया विरुद्ध संघर्ष यायेगु, माक्र्सवाद—लेनिनवाद—माओवादयात मार्ग निर्देशक सिद्धान्तया आधार नालेगु, मोर्चाया नां नेवाः राष्ट्रिय मुक्ति मोर्चा, नेपाः तयेगु, मोर्चाया स्वक्वःगु राष्ट्रिय सम्मेलन फागुनया निगूगु वालय् यायेगु, राष्ट्रिय स्वाभिमान (रास्व) अभियान अन्तरगत विचार÷राजनीति, संगठन व संघर्षयात न्ह्याकेगु, आन्तरिक रुपय् प्रशिक्षण, अन्तक्र्रिया संचालन यायेगु, बाह्यरुपय् गोष्ठी, कोणसभा, चोकसभा, कोठेसभा यायेगु, फु्क्क राज्यय् मोचाया कजिपिं ठोस यायेगु लगायत संगठन सम्वन्धी महत्वपूर्ण निर्णयत याःगु दु ।

नायः पवनमान श्रेष्ठ व मूछ्याञ्जे देवेन्द्र श्रेष्ठं ल्हाःचिं तयाः जारी यानादीगु विज्ञप्तिइ राष्ट्रिय स्वाधिनताको पक्षय् व आन्तरिक उपनिवेशया विरुद्ध संघर्ष यायेगु, पहिचान, संघीयता, अग्राधिकार, आत्मनिर्णयया अधिकारया स्वीकृति व नेवाः राज्यया नितिं संघर्ष यायेगु, जनजीविकाया विषययात कयाः सभा, जुलुस, विरोध प्रदर्शन यानाः संघर्ष यायेगु नं निर्णय याःगु दु ।