म्याराडोना बर्खास्त

यूएई क्लब अल वासलं अर्जेन्टिनी प्रशिक्षक डियगो म्याराडोनायात बर्खास्त याःगु दु ।

निदँया लागि नियुक्त जुयादीम्ह म्याराडोनायात अल बासल क्लबं झिंप्यला हे मदयेवं बर्खास्त याःगु खः ।

खराब प्रदर्शन याःगु धासें अल वासलं म्याराडोनाया लिसें वय्कःया टेक्निकल स्टाफयात नं बर्खास्त याःगु बिबिसीं न्ह्यथंगु दु । म्याराडोनाया झिंप्यलाया कार्यकालय् अल वासलयात छुं नं उपाधि त्याका बी मफूगु खःसा राष्ट्रिय लीगय् नं क्लब च्यागूगु थासय् लाःगु खः ।

कासामिया कथं सन् १९८६य् अर्जेन्टिनायात विश्वकपया उपाधि त्याकाः बिउगु खःसा प्रशिक्षकया भूमिकाय् धाःसा उलि ताःलाये मफुत । वय्कःया हे प्रशिक्षणय् सन् २०१०या विश्वकपय् अर्जेन्टिना क्वाटरफाइनलं हे पिहांवंगु खः ।

More Stories Like this