अमेरिकाय् कय्तापुजा
नेवाः अर्गनाइजेशन अफ अमेरिकाया ग्वसालय् थ्वहे जूनया २३ तारिखय् मंकाः कय्तापुजा ज्याझ्वः क्वचाल । उगु कय्तापुजा ज्याझ्वलय् तेजस्वी श्रेष्ठ, प्रखर श्रेष्ठ, परेश प्रधान व सोयुज महर्जनया कय्तापुजा जूगु खःसा सत्यामल्याक पाहांपिनिगु उपस्थिति दुगु खः ।
अर्गनाइजेशनं दँय्दसं याना वयाच्वंगु कय्तापुजा ज्याझ्वः थ्व स्वकःगु खुसिइ जूगु खः । न्हापाया दँय् थें थुगु दँय् न कय्तापुजा ज्याझ्वः नेवाः पुरोहित बासव राजोपाध्यायं याना बिज्याःगु खः ।
अर्गनाइजेशनया नायः सिजन श्रेष्ठं लसकुस यानाः न्ह्याःगु ज्याझ्वलय् वय्कलं अमेरिकाया लागि नेपाःया राजदूत डा. शंकरप्रसाद शर्मा, ज्याझ्वःया संयोजक रामलाल श्रेष्ठ, स्थल संयोजक मिना प्रधान, पुजा संयोजक चित्रा श्रेष्ठ, अर्गनाइजेशया संस्थापक सदस्य व पूर्व न्वकू गणेशलाल श्रेष्ठ , हरिबाबा कायष्ठ व बासव राजोपाध्याययात विशेष सुभाय् देछानादिल । ज्याझ्वलय् राजदूत डा. शर्मां नं थःगु नुगः खँ न्ववानादीगु खः ।
थुगु कय्तापुजा ज्याझ्वः ताःलाकेत ग्वहालि यानादीपिं सकसितं नायः सिजन श्रेष्ठं सुभाय् देछाना ज्याझ्वः क्वचायेकादीगु खः ।
News Location:
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
