जोकोभिक व फेडरर विम्बल्डलनया क्वाटरफाइनलय्

शीर्ष वरियताया नोभाक जोकोभिक व स्वंगूगु वरियताया रोजर फेडरर विम्बल्डन टेनिसया क्वाटरफाइनलय् दुहांवंगु दु ।

सर्वियन कासामि जोकोभिकं थःगु हे देय्या भिक्टोर ट्रोइकीयात ६-३, ६-१ व ६-३ या सेटं बुकाः क्वाटरफाइनलय् दुहांवंगु खःसा स्वीस कासामि फेडररं जेभियर मासेलीयात ७-६, ६-१, ४-६ व ६-३ या सेटं बुकाः क्वाटरफाइनलय् थःगु थाय् पक्का याःगु खः । निगू सेट लिपा जँय् समस्या वःगुिलं स्वंगूगु सेट बूम्ह फेडररं छुं ई आराम लिपा प्यंगूगु सेट त्याकेत ताःलाःगु खः । १७ क्वः खुसी ग्राण्डस्लाम त्याकेगु अभियानय् वनाच्वंम्ह फेडररं आः रुसी कासामि मिखाइल युज्नीलिसे म्हिती । नीखुगूगु वरियताया युज्नीं डेनिस कासामि इस्टोमिनयात ६-३, ५-७, ६-४, ६-७ व ७-५ या संघर्षपूर्ण जीत हासिल याःगु खः ।

उखे मिसातय्गु कासाय् शीर्ष वरियताया मारिया सारापोभा विम्बल्डन कासापाखें पिहांवंगु दु । नकतिनि फ्रेन्च ओपन त्याकूम्ह सारापोभा िझंन्यागूगु वरियताया जर्मन कासामि साविने लिसिकीपाखें ६-४ व ६-३ या तप्यंक सेटं बूगु खः ।

मेखे साविक विजेता पेट्रो क्विटोभां निप्यंगू वरियताया फ्रान्सेस्का सियाभोनियात ४-६, ७-५ व ६-१ या सेटं बूकूगु दुसा प्यक्वः तकया च्याम्पियन सेरेना विलियम्सं यारोस्लोभा स्वेडोभायात बुकाः क्वाटरफाइनलय् दुहांवंगु दु । सन् २०१० या विजेता विलियम्सं आः क्विटोभालिसे म्हिती । अथेहे निगूगु वरियताया भिक्टोरिया अजारेन्का रुसी कासामि मारिया किर्लेन्को नं थःथःगु कासा त्याकाः क्वाटरफाइनलय् दुहांवंगु दु ।

More Stories Like this