काठमाडौं महानगर विकास समूहया अपील
ऐतिहासिक व सांस्कृतिक नगरी येँ महानगरपालिका दुने स्थानीय मौलिकता ब्वयेगु नितिं थीथी संघ, संस्था, ज्यास:, पस:, ज्याकू आदिया साइनबोर्ड नेपालभाषाया प्रचलित लिपि व रञ्जना लिपिं तयेगु छगू बांला:गु सशक्त माध्यम (लँपु) ख: । थुकिं स्थानीय पहिचान खनेदइगु जक मखु, झी पुर्खां छ्य:गु झीगु हे थ:गु मौलिक लिपिया जगेर्ना जुइगु, प्रचारप्रसार जुइगु, उकिं झीपिं नं अभ्यस्त जुइगु व भावी पुस्ताया मस्तसें नं थुइका: सीका: कायेगु अवसर दइगु निश्चित खँ ख: । थ्वहे खँयात वा:चायेका: नेवा: स्वायत्त राज्य मंका: संघर्ष समिति व येँ महानगरपालिकाया दथुइ जूगु सम्झौताय् स्थानीय भाषा (नेपालभाषां) प्रचलित नेपाल लिपि व रञ्जना लिपिं साइनबोर्ड तल धा:सा तुइगु दस्तुरय् छ्यापं (छुट) बीगु धइगु नं सम्झौता जूगु ख: । वहे सम्झौताकथं येँ महानगरपालिकाया वंगु नगरपरिषद्या मुँज्यां नेपालभाषा, प्रचलित नेपाललिपि व रञ्जना लिपिं साइनबोर्ड तल धा:सा छ्यापं बीगु धइगु निर्णय जुइ धुंकूगुलिं थुकिया नितिं नुग: क्वसायेका: न्ह्यचिलेत इनाप यानाच्वना । सुभाय् ।
संयोजक चिनियामान बज्राचार्य
व सकल दुज:पिं
More Stories Like this
‘नेवा: राज्यया ध्वाँय् छेँय्छेँय् थ्यंकेमा:’ न्हापांम्ह सगरमाथा आरोही रामकृष्ण श्रेष्ठया स्वक्व:गु आरोहण ग्वाहालि समितिया प्रतिवेदन प्रधानमन्त्री भट्टरार्इ नं ‘भान्तांभुन्तुं’ अमेरिकी राजदूतया फेशबुक सन्देश नेपा:या मामलाय् हस्तक्षेप ल: व ख:
