साविक विजेता स्पेनपाखें यूरोकपया उपाधि रक्षा

साविक विजेता स्पेनं यूरोकप २०१२ या उपाधि त्याकूगु दु । आइतवाः चान्हय् जूगु कासाय् प्यक्वःतकया विश्व विजेता इटालीयात प्यंगू गोलं बुकाः उगु उपाधिया रक्षा याःगु दु ।

युक्रेनया राजधानी किभय् जूगु फाइनल कासाय् स्पेनया निितं िझंप्यंगू मिनेटय् सिल्भां गोल यानाः अग्रता बिउगु खःसा पीछगू मिनेटय् जोर्डी अल्बां गोल यानाः न्हापांगु हाफय् हे निगू गोलं न्ह्यःने लाःगु खः । निगूगु हाफया न्हापां इटाली कासाय् लिहां वयेत कुतः याःगु खःसा नं ताःलाये धाःसा मफूगु खः । तर कासाया चय्प्यंगू मिनेटय् सिस फाबि्रगासया पलेसाय् वःम्ह फर्नाण्डो टोरेसं गोल यानाः स्पेनयात स्वंगू गोलं न्ह्यःने लाकूगु खःसा उकिया प्यंगू मिनेट लिपा हे आन्द्रेइ इनिस्टाया पलेसाय् वःम्ह जुआन माटां चय्च्यागू मिनेटय् गोल यानाः विजय सुनिश्चित याःगु खः । थुगु कासाय् इटालीया आन्द्रेइ पिर्लो व लिपांगु कासाय् चम्के जूम्ह मारियो बालोटेलि धाःसा कमजोर खनेदुगु खः ।

थुगु उपाधिया नापं स्पेनं लगातार स्वंगू तःधंगु कासाया उपाधि त्याकूगु दुसा लगातार यूरोकप त्याकाः रेकर्ड तयेत नं ताःलाःगु दु । नापं स्पेनं थःत फुटबल शक्तिशाली देय् कथं प्रमाणित याःगु दु । तर इटाली धाःसा स्पेनयात बुकाः सन् १९६८ लिपा थुगु उपाधि त्याकेगु पाखें बंचित जूगु दु ।

More Stories Like this