विश्व नं. २ कासामि नाडाल विम्बल्डन कासां पिहांवन

विश्व वरियताया निगूगु थासय् लानाच्वंम्ह स्पेनिस कासामि राफाइल नाडाल लण्डनया न्ह्यानाच्वंगु विम्बल्डन टेनिस कासापाखें पिहांवंगु दु ।

नकतिनी ग्राण्डस्लाम फ्रेन्च ओपन त्याकूगु १७ न्हु लिपा हे मेगू ग्राण्डस्लाम टेनिस विम्बल्डनपाखें पिहांवंगु दु ।

न्हापांखुसी विम्बल्डन टेनिस म्हितूम्ह चेक कासामि लुकास रोसोलं ६-७, ६-४, ६-४, २-६, ६-४ या न्यागूगु सेट बुकाः निक्वतक बिम्बल्डन त्याकूम्ह नाडालयात स्तब्ध यानाबिउगु खः । १०० गू बरियताया रोसोलं क्वालिफाइङ्ग म्याचपाखें थुगु कासा म्हितूगु खः । सन् २००५ निसें घाँय्या कासाख्यलय् म्हितूम्ह रोसोलं थःगु क्यारियरय् मुक्कं १९गू कास जक त्याकूगु दु । नाडालयात बूकूगु थुगु लिच्वः विम्बल्डन टेनिसया इतिहासया थ्व दक्कलय् तःधंगु स्तब्धकारी लिच्वः खः ।

More Stories Like this