नेपालभाषाय् रुपा शाही दकलय् उत्कृष्ट
येँ (सन्ध्या टाइम्स)/थुगुसी जूगु एसएलसी जाँचय् नेपालभाषा विषयय् दकलय् अप्वः ल्याः हयाः पास जुइत मय्जु रुपा शाही ताःलाःगु दु। वय्कः किपूया हिलटाउन इन्टरनेसनल स्कुलया विद्यार्थी खः। वय्कलं १०० पूर्णांकया उगु विषयय् ७१ ल्याः हयादीगु खः।
अथे हे १०० पूर्णांकय् ७० ल्याः हयाः भाजु बिनोद महर्जन लिउ जुयादीगु दु। वय्कः नं हिलटाउन इन्टरनेसनल स्कूलया हे विद्यार्थी खः।
थुगुसी स्वनिगः दुने जक लाःगु खुगू स्कूलपाखें मुक्कं २४म्ह बिद्यार्थीतय्सं नेपालभाषा विषय कयाः एसएलसी जाँच बियादीगु खः। जाँच बिउपिं सकलें पास जूगु दु।
नेपालभाषा विषय कयाः एसएलसी बिउपिं विद्यार्थीतय् ल्याः धाःसा थगुने स्वयां बछि पाः जूगु दु। थगुुने नेपालभाषा विषय कयाः पास जूपिं विद्यार्थीतय् ल्याः ५४ म्ह दुगु खः ।
