केन्द्रीय नेताय्सं न्वंवायेगु क्वचाल
येँ (झीगु स्वनिगः)
नेकपा—माओवादीया सोमवाःनिसें न्ह्याःगु केन्द्रीय समितिया न्हापांगु मुँज्याया झ्वलय् म्हिगः बुधवाः तकया दुने फुक्क केन्द्रीय नेतातय्सं न्वंवायेगु ज्या क्वचाःगु दु ।
सुथय् ११ बजेनिसें च्वंगु उगु मुँज्याय् फुक्क केन्द्रीय नेतातय्सं न्वंवायेगु क्वचायेवं न्हिनसिया २ ता इलय् स्थगित याःगु खः । अनं लिपा हाकनं बहनी ६ बजेनिसें मुँज्या च्वंगु खः । मुँज्याय् केन्द्रीय नेतातपाखें वःगु न्ह्यसःया लिसः बिइगु ज्या नेतातय्सं यानादीगु ज्याझ्वः दुगु खः ।
मुँज्याय् पार्टीया नायः मोहन बैद्य किरणं न्ह्यब्वयादीगु राजनीतिक प्रतिवेदन अथे हे मूछ्याञ्जे रामबहादुर थापा वादलं न्ह्यब्वयादीगु संगठन व संघर्षया प्रतिवेदनयात कयाः केन्द्रीय नेतातय्सं म्हिगः बुधवाः व म्हीग मंगलवाः थःथःगु बिचाः तयेगु ज्या याःगु दु ।
थःथःगु बिचाः तयेगु झ्वलय् केन्द्रीय नेतातय्सं आः पार्टीयात क्रान्तिकारी कथं न्ह्याकेमाः धकाः बः बियादीगु खः ।
