थःत थःम्हं गबलें हे छुं नं कथंया बहानाय् कुनादी मते - सुनिता डंगोल (मिस नेवाः २०११)
नेप्लिज फेशन होमपाखें दँय्दसं याना वयाच्वंगु मिस नेवाः ब्यूटि प्याजेन्टं मिस नेवाःया थुगुसीया टाइटल त्याकादीम्ह सुनिता डंगोललिसे नेपालमण्डल डट कमलिसे यानागु खँल्हाबल्हा --
मिस नेवाः घोषणा जुइसाथ दक्कले न्हापा सु लुमन?
- जिं दक्कले न्हापा जिमि बा लुमंका । जिमि बाः मिस नेवाः ज्याझ्वः ज्इ झिंस्वन्हु न्ह्यः मदुगु खः ।
मिस नेवाः टाइटल त्याकाः छुं तंगु दु ला?
- जिं स्वये मिस नेवाः टाइटल त्याकाः छुं तंका थें मच्वं ....बरु जिं यक्व हे त्याका, विशेष यानाः महत्वपूर्ण ज्ञान ।
मिस नेवालं नेवाः समाजयात छु बिइफइ?
- समाजयात छु बिइफइ धकाः खँ ल्हायेगु खःसा मिस नेवाः जक मखु हरेक मिसां समाजय् छुं न छुं बिइफु । तर खः, मिस नेवाः जुइधुंकाः थःगु समाजयात, थःगु संस्कृति व थःगु देय्यात हे छुं बिइमाः थें तायेका । जिगु व्यक्तिगत खँ ल्हायेगु खःसा जि चिचीधंगु छुं छुं ज्या यानाच्वनागु दु । जिं थःगु भाय् व मस्तय्गु शिक्षाया लागि छुं यानागु दु । गथेकि जिं मस्तय्त २००० कपि, २००० पेन्सिल व २००० इरेजर इनागु दु । थुकथं समाजयात नं झीसं छुं बिइफु ।
छिगु योजना छुं?
- नेप्लिज फेशन होमय् सामाजिक कवः नी स्वनेगु जिगु योजना दु । अथे हे झीगु संस्कृति व मस्तय्गु शिक्षाया लागि छुं ज्या यायेगु योजना दु ।
फुर्सदया इलय् छु याये न्ह्याः?
- पासापिं नाप चाःहिलेगु, न्हून्हूगु थाय् चाःहिलेगु, पत्रपत्रिका ब्वनेगु व संगीत न्यनेगु जितः यः ।
छु खः थें च्वं जीवन?
- जीवन रंगीन यात्रा खः गुकिइ झीसं थीथी रंग सामना यायेमाली ... गबलें फिक्कागु रंग, गबलें गाढागु रंग ।
जीवनय् छितः छु खँ लय् तायेकी?
- हरेक खँय् ग्वहालि याइगु जिगु छेँ अले दुःखय् नं गबलें हे ख्वबि हायेके बिइ म्वायेकीपिं पासापिं ... इमिसं हे जितः हरेक क्षण लय् तायेका च्वंगु दु ।
थःगु जःखः वा समाजय् छुं हिले माःसा छु खँ हिलादी? छाय्?
- झीगु समाजय् छगू चीज हिलेमाःसा तुति सालेगु प्रवृति चिइके मास्ति वः । छुं बांलाःगु व प्रगतिशील ज्या याइपिन्त तुति सालीगु प्रवृति व्याप्त जुयाच्वंगु दु ।
नेपालमण्डल डट कमया भ्यूअर्सपिन्त छुं?
- मेपिसं छिपाखें गुलि आशा याइगु खः, व स्वयां तःधंगु उत्तरदायित्व ल्व्हनादिसँ । थःत थःम्हं गबलें हे छुं नं कथंया बहानाय् कुनादी मते ।
Related Stories
सुनिता डंगोल जुल मिस नेवाः २०११ मिस ज्यापु सविना महर्जनलिसे छझाः (भिडियो ब्लग) "जिगु जेनेरेशनया नेवाः पासापिं मार्फत नेपालभाषाया उत्थान याये मास्ति वः" - रश्मिता नकःमि, मिस नेवाः पोखरा ११३२More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
