आमिर खानं राज्यसभाय् प्रवचन बिइगु

बलिउडया नांजाम्ह अभिनेता आमिर खानं भारतया च्वय्या संसद राज्यसभाय् प्रवचन बिइगु जूगु दु । संसदीय आयोगं याःगु निर्णय लिपा संसदया वाणिज्य समितिया प्रमुख नापं राज्यसभाय् जनता पार्टीया सांसद शान्ता कुमारया ब्वनाय् आमिरं उगु प्रवचन बिइत्यंगु खः । थःगु टेलिभिजन ज्याझ्वः 'सत्यमेव जयते'य् भारतया स्वास्थ्य सेवाया विकृतिया बारे पर्दाफास यायेवं आमिरयात देय्या स्वास्थ्य क्षेत्रया खराब स्थितिया विषयलय् प्रवचन बिइत सःतुगु खः । छवाः लिपा राज्यसभाय् प्रवचन बिइत्यम्ह आमिर अज्याःम्ह न्हापाम्ह मनू खः गुम्हस्यां राज्यसभाया दुजः मजुसें सभाय् वनाः भाषण यायेत्यंगु खः ।

More Stories Like this