सविना महर्जन जुल मिस ज्यापु २०१२
न्हापांगु खुसिइ जूगु मिस ज्यापु २०१२ या ताज म्हसिका ल्याः ७ मय्जु सविना महर्जनं त्याकेत ताःलाःगु दु । वय्कलं मिस ज्यापू २०१२ या नापं मिस ट्यालेन्टया ताज तकं त्याकादीगु दु । नासः मण्डलया ग्वसालय् आइतवाः नेपाल प्रज्ञाप्रतिस्थानया दबलिइ जूगु मिस ज्यापूया न्हापांगु संस्करणया धेंधेंबल्लाखे सविनां स्वीस्वम्ह मय्जुपिन्त ल्यूने लाका मू निगू ताज त्याका न्हूगु छगू रकेर्ड तय्त ताःलाःगु खः ।
अथेहे फष्ट रनरअपया ताज म्हसिका ल्याः १५ रुना महर्जनं त्याकादीगु दु । वय्कलं नं फष्ट रनरअपया ताज नापं मिस बेष्ट पर्सनालिटि व मिस बेष्ट ड्रेसया टाइटल तकं त्याकेत ताःलाःगु दु । अथेहे सेकेण्ड रनरअपया ताज म्हसिका ल्याः ९ सविना महर्जनं त्याकादीगु दु । वय्कपिन्सं ताजया नापं छसिकथं नीन्याद्वः, झिंन्याद्वः व झिद्वःतका सिरपा नं त्याकादीगु दु । स्वीप्यम्ह मय्जुपिनिगु हुलाप्याखनं सुरु जूगु ज्याझ्वःया न्हापांगु ब्वय् म्हसिका ब्यूगु खः । म्हसिका राउण्ड लिपा नमूना फेशन डिजाइनया पाखें डिजाइन याःगु हाकू पतासि व तुयूगु जनिया समिश्रणया वस न्ह्यब्वयेगु ब्वः बेष्ट ड्रेस राउण्ड जूगु खः । बेष्ट ड्रेस राउण्ड लिपा टप फिप्टिन वयां लिपा टप फाइभ राउण्ड जूगु खः ।
मिस ज्यापू २०१२ या थीथी टाइटल त्याकादीपिं थुकथ
मिस बेष्ट स्माइल - रोशनी महर्जन
मिस बेष्ट फ्रेण्डशीप - सजुना महर्जन
मिस बेष्ट पपुलारिटि - शान्ता डंगोल
मिस बेष्ट भ्यूवरच्वाइस - विद्या लक्ष्मी महर्जन
मिस बेष्ट फोटोजेनिक - पूजा महर्जन
मिस बेष्ट डिसिप्लेन - रोजिता महर्जन
मिस बेष्ट कल्चर अवार्ड - अमिना प्रजापति
मिस बेष्ट एग्रीकल्चर अवार्ड - रोजिना डंगोल
मिस बेष्ट ट्रेडिसनल फुड - अलिसा महर्जन
मिस बेष्ट नेपालभाषा - कल्पना महर्जन
सेकेण्ड रनरअप - सविना महर्जन
फष्ट रनरअप, मिस बेष्ट पर्सनालिटि, मिस बेष्ट ड्रेस -रुना महर्जन
मिस ज्यापू २०१२, मिस ट्यालेन्ट - सविना महर्जन
किपा: सन्दीप प्रजापति
News Location:
More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव
