प्रचण्ड प्रस्ताव अस्वीकार

येँ (झीगु स्वनिगः)

एकीकृत माओवादीया नायः पुष्पकमल दाहाल प्रचण्डया निवास लाजिम्पाटय् जूगु वार्ताय् प्रचण्डं पार्टी एकताय नितिं धकाः ७ बुँदाया लिखित प्रस्ताव तयादीगु प्रस्तावयात बरिष्ठ न्वकु मोहन बैद्य किरण विचार समुहपाखें्र अस्वीकार याःगु दु ।
उगु प्रस्तव धैगु जनवादी क्रान्तिया नितिं माःगु कथं प्रतिवद्धता सहित मवःगु नापं एकताया नितिं नांया जक प्रस्ताव हःगुलिं उकियात बैद्य पक्षं अस्वीकार याःगु दु । आवंलि उगु प्रस्तावयात कयाः वार्ता छुं नं जुइमखुत धकाः नं धाःगु दु । प्रस्ताव थुगु कथं दु ।


१) मालेमा विचार नयाँ जनवादी क्रान्तिया कार्यदिशा, समाजवाद व साम्यवादया उद्देश्य जनवादी केन्द्रीयताया संगठनात्मक सिद्धान्त थें जाःगु आधारभूत विषयत थुगु इलय् झीगु विवादया मू विषय मखु । थौं जनवादी क्रान्तिया रणनीतिक उद्देश्य प्राप्तिया नितिं नालाकाःगु शान्ति, संविधान व सरकार नाप स्वापू दुगु कार्यनीति व उकिया कार्यान्वयया बारे हे झीगु विवादया मू विषय जूवंगु दु । झीगु ध्यान केन्द्रीय समितिया वंगु पूर्ण मुँज्याय् पार्टी एकताया नितिं याःगु सहमति राजनीतिक प्रस्तावय् केन्द्रीत यायेमाःगु जरुरी दु । शान्ति प्रक्रियाया सन्दर्भय् ताःचाः प्रकरणंनिसें सेना समायोजनया निर्णय तक संविधानया सम्वन्धय् विगतय् पार्टी नेतृत्वं याःगु गुलिखे सहमति, सरकारया सम्वन्धय् राष्ट्रिय सहमतिया संयुक्त सरकार गठन नापं राष्ट्रियताया सन्दर्भय् विपा सम्झौता लगायतका विषय हे विवादया मू विषय जूवंगु दु । एकताया ऐतिहासिक आवश्यकतायात महसूस यानाः पार्टी नेतृत्वया पालुङटारया विस्तारित मुँज्यालिपा काःगु फुक्क निर्णयया मंकाः कथं पुनर समिक्षा यायेत तयार दु ।
२) उत्पीडित वर्ग, जाति, क्षेत्र, लिङया जनताया आधारभूत हित व अधिकार मू रुपं पहिचानया आधारय् संघीयताया पक्षय् संघर्ष यायां हे संविधानसभा विघटन जूगु नकारात्मक स्थितियात पार्टीइ एकता कायम यानाः जनताया संघीय गणतन्त्रात्मक संविधान निर्माणया अभियानय् वनेगु सकारात्मक परिणामय् यंकेगु आधार तयार जूगु दु । थ्व एकताया आधारयात ज्वनाः विगटय् जूगु निर्णययात समिक्षा यानाः कमिकमजोरीयात कयाः अत्मालोचना यायेत पार्टी नेतृत्व तयार दुगु स्पष्ट यानागु दु ।,
३ं) पार्टी एकता व क्रान्तिया फुक्क हितयात ध्यानय् तयाः केन्द्रीय समितिया पूर्ण मुँज्याय् एजेण्डा तयाः नेतृत्व हिलेगु लगायतयात सहलह ब्याकेत पार्टी नेतृत्व तयार दु ।
४) न्ह्याथेजाःगु अवस्थाय् नं संविधानसभापाखें संविधान निर्माण यायेगु नीति कायेम जुइमाः । संविधान मदयेकूगु अवस्थाय् तक थ्व नीतिया औचित्य कायम जुइगु स्पष्ट जुइ ।
५) पहिचान सहितया संघीयता व संघीयता सहितया संविधानय् राजनीतिक सहमति कायम यानाः न्हापा जूगु सहमतिया स्प्रीडय् सरकारया नेतृत्व हिलेत तयार जूगु पार्टीया नेतृत्व तयारी अवस्था दु ।
६) वैचारिक राजनीति विषय नाप स्वापू दुगु विवादया बारे पार्टीइ फोरम संचालन यानाः वइगु माघ महिनाया दुने महाधिवेशन यानाः टुंगेयायेगु खँय् प्रतिवद्धता जुइमाः ।
७) उगु कथंया प्रयोजनया नितिं आः निगू ब्यागलं ब्यागलं विचार समूहपाखें ग्वसाःग्वःगु असार १ गतेया राष्ट्रिय भेला व असार १५ गतेया केन्द्रीय विस्तारित मुँज्या निगुलिं स्थगित यानाः याकनं हे केन्द्रीय समितीया पूर्ण मुँज्या च्वनेगु व फुक्कं समिक्षा यानाः मंकाः निष्कर्ष पिकायेगु नितिं कुतः यायेमाः ।