२०६८ दँया एसएलसी परीक्षाया लिच्वः बुधवाः सार्वजनिक जुइगु
परीक्षा नियन्त्रण ज्याकू सानोथिमीं २०६८ दँया एसएलसी परीक्षाया लिच्वः बुधवाः सार्वजनिक यायेगु अन्तिम तयारी याःगु दु । परीक्षा नियन्त्रण ज्याकूथीं वंगु चैत ७ गते निसें १६ गतेतक न्ह्याकगु एसएलसी परीक्षाया लिच्वः सार्वजनिक यायेगु अन्तिम तयारी जुयाच्वंगु खँ धाःगु दु ।
उत्तरपुस्तिकाया कोडिङ यानाः रुजु यायेगु ज्या तकं क्वचाःगु व ल्यँ दनिगु ज्या यानाः बुधवाः न्हिनय् तकया दुने लिच्वः सार्वजनिक यायेगु तयारी परीक्षा नियन्त्रण ज्याकूथीं यानाच्वंगु दु । छु कथंया प्राविधिक समस्या मवसाः लिच्वः बुधवाः हे पिथनेगु निश्चित जुगू खँ परीक्षा नियन्त्रण ज्याकूथीं धाःगु दु । लिच्वः पिथनेत न्हिनय् बोर्ड बैठक सःतुगु व प्रहरीनापं सुरक्षातक माग यानाःगु खँ परीक्षा नियन्त्रण ज्याकूथीं धाःगु दु ।
२०६८ दँया एसएलसी परीक्षाय् प्यंगू लख ४५ हजार ९ सय ७४ व एक्जाम्टेड पाखें ८२ हजार २ सय ८३ म्ह यानाः देय्न्यकं मुककं न्यागू लख २८ हजार २ सय ५७ परीक्षार्थी परीक्षालय् ब्वति काःगु खः ।
More Stories Like this
खुम्ह ब्वमिपिन्त छात्रवृति लःल्हात एसएलसी दसि पौ प्रमाणीकरण इन्टरनेटं शिक्षक नियुक्तिया लँपु चाल लक्ष्मीनारायण-पुनमाया सिरपाः लःल्हात एसएलसीइ नेपालभाषा कयाः ब्वंपिंत हन
