नाडालयात न्हय्क्वःखुसी फ्रेन्च ओपनया उपाधि

स्पेनिस कासामि राफेल नाडालं न्हय्क्वःखुसी फ्रेन्च ओपन उपाधि त्याकल । विश्व न. १ सर्वियन कासामि नोभाक जोकोभिचयात बुकाः निगूगु बरियताया कासामि नाडालं न्हय्क्वःखुसी थुगु उपाधि त्याकाः कीर्तिमान तयेत नं ताःलाःगु दु ।

आइतवाः जूगु कासाय् नाडालं जोकोभिचयात ६-४ व ६-३ या सेटं बुकूगु खःसा वयां लिपा जोकोभिचं ६-२ या सेटं बुकाः कासाय् लिहां वयेत कुतः याःगु खः । प्यंगूगु सेटय् २-१ या ल्याखं न्ह्यःने लाःगु इलय् वा वया कासा स्थगित जूगु खः । थ्वस्वयां न्ह्यः सन् १९७३ या फाइनल कासा वा वयाः प्रभावित जूगु खः । सोमवाः २-१ या ल्याखं लिउने लाःगु अवस्थाय् कासा म्हितूम्ह नाडालं ७-५ या सेटं बुकाः न्हय्क्वःखुसी फ्रेन्च ओपन त्याकाः कीर्तिमान तल । झ्वःलाक्क प्यंगू ग्राण्डस्लाम त्याकाः कीर्तिमान तयेगु जोकोभिचया म्हगस त्वाःथलाबिउम्ह नाडालया थ्व ११ गू ग्राण्डस्लाम उपाधि खः ।

More Stories Like this