थनिंनिसें यूरो कप शुरु

विश्वकप लिपा दक्कलय् तःधंगु फुटबल कासा यूरो कपया १४ क्वःगु संस्करण थनिनिसें न्ह्याइगु जूगु दु ।

पोल्याण्ड व युक्रेनया थी थी च्यागू रंगशालाय् जुइगु उगु कासाया थौं न्हापांगु दिनस समूह ए या निगू कासा जुइ ।

नेपाःया ई कथं चान्हय् जःछिपाः ११ ताः इलय् पोल्याण्डया रंगशाला वासा्रय् जुइु उलेज्या कासाय् ग्वसाः खलः मध्ये छगू पोल्याण्ड व पूर्व च्याम्पियन ग्रीस दथुइ जुइ ।

घरेलु कासा ख्यः व समर्थकया दथुइ थौंया कासाय् पोल्याण्डं उत्कृष्ट याइगु ग्वसाः दुसा ग्रीस नं आयोजक पोल्याण्डयात स्तब्ध यायेगु लागि तयारी अवस्थाय् दु ।

अथेहे थौं चान्हय् जःछिपाः छताः इलय् रुस व चेक दथुइ कासा जुइ ।

पोल्याण्ड व युक्रेनय् नीप्यन्हुतक न्ह्याइगु थुगु कासाय् मुक्कं १६ गू देशं धेंधेंबल्ला याइ ।

More Stories Like this