सारापोभा व क्विटोभा फ्रेन्च ओपनया सेमिफाइनलय्

रुसी कासामि मारिया सारापोभा फ्रेन्च ओपन टेनिसया सेमिफाइनलय् थ्यंगु दु । निगूगु वरियताया नापं सन् २००७ व २०११ या सेमिफाइनालिष्ट सारापोभां इष्टोनियाया काइया केनेपीयात ६-२ व ६-३ या तप्यंक सेटं बुकाः सेमिफाइनलय् थःगु थाय् पक्का याःगु खः । आः सारापोभां चेक कासामि पेट्रा क्विटोभा लिसें फाइनलय् दुहां वनेगु लागि धें धें बल्ला याइ । बिम्बल्डनय् सारापोभायात बुकाः क्विटोभां उपाधि त्याकूगु खः ।

थुखे क्विटोभा कजाकिस्तानया यारास्लाभा स्भेडोभायात बुकाः सेमिफाइनलय् दुहांवंगु खः । डिफेण्डिङ च्याम्पियन चिनिया कासामि ली नायात बुकूम्ह स्भेडोभायात क्विटोभां न्हापांगु सेट ३-६ पाखं बूगु खःसा लिपा कासाय् लिहां वयाः ६-२ व ६-४ या सेटं बूकूगु खः ।

More Stories Like this