‘अन्यौलताया पात्र प्रचण्ड व बाबुराम’
येँ (झीगु स्वनिगः)
एकीकृत नेकपा (माओवादी)या छ्या््ञ्जे नापं माओवादीया क्रान्तिकारी विचार समूहया प्रभावशाली नेता सीपी गजुरेलं आःया अवस्थाय् प्रमुख दलतय्गु दथुइ गुगु नं हालतय् सहमति जुइमखु धकाः दावी यानादीगु दु ।
सत्ताधारी दलतय्गु छगू मोर्चा अले कांग्रेस एमाले सहितया मोर्चाबन्दी यानाः न्ह्याः वनाच्वंगु खँ न्ह्यथसें थुज्वःगु अवस्थाय् दलतय्गु दथुइ गुगु नं हालतय् सहमति व एकता जुइ हे फैमखु धकाः नेता गजुरेलं दावी यानादीगु खः ।
उगु निगू हे मोर्चां थःपिं जक ठिक अले मेपिं बेठिक धकाः तर्क तयाः वनाच्वंगुलिं देशय् झन हे अन्यौलता ब्वलनीगु अवस्था दु धकाः नं वय्कलं धयादिल ।
आःया राजनीतिक अन्यौलता ब्वलंकेगु ज्याया पात्रत धैपिं थःगु हे पार्टीया नायः पुष्पकमल दाहाल प्रचण्ड व प्रधानमन्त्री डा. बाबुराम भट्टराई खः धकाः नं नेता सीपी गजुरेलं द्वपं बियादिल ।
नागरिक मिडिया क्लबया ग्वसालय् म्हिगः मंगलवाः येँय् जूगु ‘ंवर्तमान अवस्थाय् राजनीतिक जटिलता व उकिया समाधान’ विषययात कयाः जूगु अन्तक्र्रिया ज्याझ्वलय् न्वंवासें नेता गजुरेलं अथे धयादीगु खः ।
संविधानसभाया हाकनं निर्वाचन यायेगुया औचित्य मदये धुंकल धकाः स्पष्ट यानादिसें वय्कलं धयादिल ‘आःया अवस्थाय् राजनीतिक निकास धैगु सरोकारवालातय्गु दथुइ गोलमेच सम्मेलन खः । गोलमेच सम्मेलनलिपा संविधानया मस्यौदा तयार यानाः संविधान दयेकेगु पाखे न्ह्याः वनेमाः ।’
उगु अन्तत्र्रिmया ज्याझ्वलय् नेता गजुरेलं आःया अवस्थाय् राष्ट्रिय निकासया नितिं प्रधानमन्त्री डा. बाबुराम भट्टराई नं तत्काल हे राजीनामा बिइमाः धकाः माग नं यानादिल ।
