फेडरर फ्रेन्च ओपनया सेमिफाइनलय्

स्वंगूगु बरियताया टेनिस कासामि रोजर फेडरर फ्रेन्च ओपन टेनिसया सेमिफाइनलय् दुहांवंगु दु । मंगलवाः बहनी जूगु संघर्षमय् कासाय् अर्जेन्टिनाया जुआँ मार्टिन डेल पोर्टोयात बुकाः सेमिफाइनलय् दुहांवंगु खः ।

१६ क्वःगु ग्राण्ड स्लाम त्याके धुंकूम्ह नापं सन् २००९ या फ्रेन्च ओपन विजेता फेडरर न्हापांगु निगू कासा ३-६, ६-७ या सेटं बूगु खःसा लिपांगु स्वंगू कासाय् विपक्षीयात छुं हे ह्वःताः मबिउसे ६-२, ६-० व ६-३ या सेटं बुकाः ३१ क्वः खुसी ग्राण्डस्लामया सेमिफाइनलय् दुहांवनेत ताःलाःगु खः । आः आइतवाः जुइगु फाइनल कासाया लागि न्हापांगु वरियताया नोभाक जोकोभिक व जो विलफ्रेड सोंगा दथुइ जुइगु कासाया बिजेता लिसे म्हिती ।

More Stories Like this