कांग्रेसया गठबन्धनय् मदु : फोरम
येँ (झीगु स्वनिगः)
नेपाली कांग्रेस व एमालेपाखें दयेकूगु गठबन्धनय् उपेन्द्र यादवं नेतृत्व यानादीगु मधेसी जनअधिकार फोरमं थःपिं उगु गठबन्धनय् मदु धकाः स्पष्ट याःगु दु । फोरम उगु मोर्चाय् दुथ्यात धकाः बय् बय् जुयाच्वंगु अवस्थाय् उगु कथं थःपिनिगु खँ सार्वजनिक याःगु खः । येँय् म्हिगः बुधवाः पत्रकार सम्मेलन यानाः फोरमं थःपिं कांग्रेस—एमालेया गठबन्धनय् मदुगु व सरकार विरुद्ध ब्यागलं कथंया आन्दोलन यायेगु जुइ धकाः स्पष्ट यानादिल । फोरमया मूछ्याञ्जे रामसहाय यादवं पत्रकार सम्मेलनय् धयादिल ‘जिमिगु पार्टी कांग्रेस—एमालेया मोर्चाय् मदु । आः राष्ट्रिय सहमतिया सरकार दयेकेमाः ।’
