नेवाः मंकाः संघर्ष समितिया विज्ञप्ति
येँ (झीगु स्वनिगः)
नेवाः स्वायत्त राज्य मंकाः संघर्ष समितिं संविधानसभा भंग याःगु धैगु नेतातय्गु असक्षमता व नालायकीपन खः धकाः द्वपं ब्यूगु दु । प्रतिगामी व संघीयता विरोधीतय्सं षडयन्त्र यानाः संविधानसभा भंग याःगु खँ न्ह्यथसें मंकाः संघर्ष समितिं छगू विज्ञप्ति पिथनाः उगु घटनायात कयाः विरोध याःगु दु ।
अय्नं निर्वाचनया माध्यमं संविधानसभापाखें आदिवासी जनजाति नापं राज्यं बहिस्करणय् लाकातःगु समुदायया हक अधिकार सुनिश्चित जुइ धकाः नं आशा यानातःगु दु ।
उगु विज्ञप्ति नेवाः स्वायत्त राज्यया नितिं संघर्ष यानाः वयाच्वंगु नेवाः स्वायत्त राज्य मंकाः संघर्ष समितिया सचिवालय कजि मल्ल के सुन्दरं म्हिगः मंगलवाः पिथनादीगु खः ।
