नेपाःया समस्याप्रति राष्ट्र संघं च्यूताः प्वंकल

येँ( झीगु स्वनिगः)

थौं कन्हय् नेपालय् संविधान पिहां वइगु न्हिं सत्तिनाः वःलिसे संयुक्त राष्ट्र संघं गम्भीर रुपं च्यूताः प्वंकूगु दु । देय्या थीथी थासय् बन्द, हड्तालं स्थितियात असहज यानाच्वंगुलिं राष्ट्र संघं उगु कथं च्यूताः प्वंकूगु दु ।

राष्ट्र संघया मूछ्याञ्जे वान कि मुनं थीथी क्षेत्रय् जुयाच्वंगु आन्दोलन, बन्द, हड्तालं तनावपूर्ण अवस्था सृजना जुयाच्वंगु व आम जनताया जनजीवन कष्टकर जुयाः वनाच्वंगु खँय् थःगु ध्यान वंगु दु धासें राष्ट्रिय – अन्तर्राष्ट्रिय कानुनया लिधँसाय् जनताया माग सम्बोधन यायेत नं इनाप यानातःगु दु ।

मूछ्याञ्जे मुनं विरोधया ज्याभ्mवःयात शान्तिपूर्ण ढंगं मानवीय सहायतायात सहज यायेत वातावरण दयेकेत नं सम्बन्धित पक्षतय्त इनाप याःगु दु । अथेहे ल्यूने लाःगु वर्ग नाप इलय् ब्यलय् याःगु सहमतियात नं पूवंकेत नं बह बिसें मुनं – पार्टीगत स्वार्थ स्वयाः च्वय् लायेमाःगु धयादिसें सहमतिया माध्यमं न्ह्याःवनेत नं इनाप यानातःगु दु ।