१ करोड जनताया ल्हाःचिं
येँ (झीगु स्वनिगः)
जनताया संविधान निर्माण यायेमाःगु, इलय् हे संविधान जारी यायेमाःगु, पहिचानया आधारय् राज्य पुनर्संरचना यायेमाःगु माग यानाः संयुक्त राष्ट्रिय जनआन्दोलन समितिं देय्न्यंकं मुंकूगु जनताया थ्यं मथ्यं १ करोड जनताया ल्हाःचिं म्हिगः सोमवाः संविधानसभाया नायः सुवासचन्द् नेम्वाङयात लःल्हात । येँया शान्ति वाटिकां पिकाःगु जुलुस सहित सिंहदरवारय् संविधानसभाया नायः नेम्वाङया ज्याकुथिइ वनाः अथे ल्हाःचिं लःल्हाःगु खः ।
संयुक्त राष्ट्रिय जनआन्दोलन समिति नेपालया कजि नापं एकीकृत माओवादीया छ्याञ्जे सीपी गजुरेलं अथे ल्हाःचिं लःल्हानादीगु खः । थ्व हे झ्वलय् एकीकृत नेवाः राष्ट्रिय मुक्ति मोर्चापाखें नं ज्ञापन पौ लःल्हाःगु दु । उगु ज्ञापन पौ ३ पेजय् स्वयादिसँ ।
